Book Name:Musalman Ke 3 Huqooq
سیکھنے سِکھانے کے حلقوں کا جدول
(1):مختلف مَوضوعات پرمختصربیان:5منٹ (2):دُعا یاد کرنا:5 منٹ (3):جائزہ:5 منٹ،کُل دورانیہ:15منٹ۔
آج کے سیکھنے سکھانے کے حلقوں میںمسلمانوں کے 3حقوق قسط سوم سکھائے جائیں گے اوردعائے مصطفےٰ صلی اللہُ عَلَیْہِ وَ آلِہٖ وَسَلَّم یاد کروائی جائے گی۔ آخر میں نیک اعمال کے رسالے سے اجتماعی جائزہ بھی ہوگا۔اِنْ شاۤء اللہُ الکَرِیْم !
فرمانِ آخری نبی، رسولِ ہاشمی صلی اللہُ عَلَیْہِ وَ آلِہٖ وَسَلَّم : قیامت کے دن لوگوں میں سے سب سے زیادہ میرے قریب وہ ہوگا جس نے دُنیا میں مجھ پر زیادہ دُرُودِ پاک پڑھے ہوں گے۔ ([1])
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
اللہ پاک نے فرمایا:
وَ كَذٰلِكَ اَخْذُ رَبِّكَ اِذَاۤ اَخَذَ الْقُرٰى وَ هِیَ ظَالِمَةٌؕ-اِنَّ اَخْذَهٗۤ اَلِیْمٌ شَدِیْدٌ(۱۰۲) (پارہ:12،ھود:102)
تَرْجمۂ کَنْزُالعِرْفان:اور تیرے ربّ کی گرفت ایسی ہی ہوتی ہے جب وہ بستیوں کو پکڑتا ہے جبکہ وہ بستی والے ظالم ہوں بیشک اس کی پکڑ بڑی شدید دردناک ہے ۔
حق مارنا ظُلْم کہلاتا ہے ۔([2]) آیتِ کریمہ میں قانُونِ قُدْرت بیان ہوا کہ جو ظُلْم کرے، اللہ پاک اس کی پکڑ فرماتا ہے اور اللہ پاک کی پکڑ بڑی شدید اور دَرْدناک ہے۔ ([3])