ہمیں تیسرے آسمان پر لے جایا گیا، جِبْرائیل نے دروازے پر دستک دی،آواز آئی آپ کون ہیں؟ کہا: جِبْرائیل ہوں،پُوچھا:آپ کے ساتھ کون ہیں؟کہا:یہ حضرت محمد صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ہیں، پُوچھا گیا: کیا اِنہیں بُلایا گیا ہے؟ کہا ہاں اِنہیں بُلایا گیاہے۔حُضُور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا پھر ہمارے لئے دروازہ کھول دِیا گیا اور وہاں میری مُلاقات حضرت یوسف عَلَیْہِ السَّلَام  سے ہوئی جنہیں حُسن کا آدھا حِصّہ عطا کِیا گیا ہے۔ اُنہوں نے مجھے مَرْحَبا کہا اور دُعا دی ، پھر مجھے چوتھے آسمان پر لے جایا گیا، جِبْرائیل نے آسمان کا دروازے پر دستک دی، پُوچھا گیا: کون ہے؟کہا :جِبْرائیل ہوں،پُوچھا آپ کے ساتھ کون ہیں؟ کہا :یہ حضرت محمد صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ہیں، پُوچھا:کیا اِنہیں بُلایا گیا ہے؟ کہا :ہاں بُلایا گیا ہے۔رسولُ الله صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا:پھر ہمارے لئے دروازہ کھول دِیا گیا تو میری مُلاقات حضرت اِدْرِیْس  عَلَیْہِ السَّلَام  سے ہوئی اُنہوں نے مجھے مَرْحَبا کہا اور دُعا دی۔اللہ عَزَّ  وَجَلَّ نے حضرت اِدْرِیْس عَلَیْہِ السَّلَام  کے بارے میں فرمایا ہم نے ان کو بُلند مَقام عطا فرمایا ہے۔ پھر مجھے پانچویں آسمان کی طرف لے جایا گیا جِبْرائیل  نے دروازے پر دستک دی، پُوچھا گیا :کون ہے؟کہا :جِبْرائیل ہوں،پُوچھا آپ کے ساتھ کون ہیں؟کہا: یہ حضرت محمد صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ہیں، پُوچھا: کیا اِنہیں بُلایاگیا ہے؟ کہا: ہاں بُلایا گیا ہے۔حُضُورِ اَکْرَم ، نُورِ مُجَسَّم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا: پھر ہمارے لئے آسمان کا دروازہ کھول دِیا گیا اور حضرت ہارُون عَلَیْہِ السَّلَام  سے میری مُلاقات ہوئی اُنہوں نے مجھے مَرْحَبا کہا اور دُعا دی ،پھر مجھے چھٹے آسمان پر لے جایا گیا، جِبْرائیل نے دروازہ کھٹکھٹایاتو پُوچھا گیا :کون ہے؟ اُنہوں نے کہا میں جِبْرائیل ہوں، پُوچھا آپ کے ساتھ کون ہیں؟ کہا یہ حضرت محمد صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ہیں، پُوچھا:  کیا اِنہیں بُلایا گیا ہے؟ کہا :ہاں بُلایا گیا ہے۔ حُضُور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا پھر ہمارے لئے دروازہ کھول دِیا گیااور میری مُلاقات حضرت مُوسیٰ عَلَیْہِ السَّلَام  سے ہوئی،اُنہوں نے مجھے خوش آمدید کہا اور دُعا دی پھر مجھے ساتویں آسمان پر لے جایا