Book Name:Miraaj kay Waqiaat
الکبری،۱/۲۸۵ملخصاً و مفہوما)
سب سے اَولیٰ و اَعْلیٰ ہمارا نبی سب سے بالا و وَالا ہمارا نبی
بزمِ آخر کا شمع فَروزاں ہُوا نُورِ اَوّل کا جَلوہ ہمارا نبی
خَلْق سے اَولِیا اَولِیا سے رُسُل اور رَسُولوں سے اَعْلیٰ ہمارا نبی
مُلکِ کونین میں اَنْبیا تاجدار تاجداروں کا آقا ہمارا نبی
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
انبیائے کرام عَلَیْہِمُ الصَّلٰوۃُ وَالسَّلَام سے مُلاقات کے بعد جب حُضُورِ اَکْرَم، نُورِ مُجَسَّم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَبَیْتُ الْمَقْدَس سے آگے آسمانوں کی طرف روانہ ہوئے تو آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی بارگاہ میں شراب اور دُودھ کا برتن پیش کِیا گیا۔چُنانچہ،
دوجہاں کے آقا، شَبِ اَسْرٰی کے دُولہا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے اِرْشاد فرمایا:جِبْرائیلِ اَمِیْن عَلَیْہِ السَّلَام میرے پاس ایک برتن میں شراب اور ایک برتن میں دُودھ لے کر آئے،میں نے دُودھ لے لِیا۔([1])اس پر حضرت جِبْرائیل عَلَیْہِ السَّلَام نے کہا:اَلْحَمْدُ لِلّٰہِ الَّذِیْ ہَدَاکَ لِلْفِطْرَۃِ لَوْ اَخَذْتَ الْخَمْرَ غَوَتْ اُمَّتُکَ یعنی تمام تعریفیں اللہ پاک کے لئے جس نے فِطْرت کی جانب آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی رَہْنُمائی فرمائی، اگر آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ شراب کا پیالہ قَبُول فرماتے تو آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی اُمَّت گمراہ ہو جاتی۔([2])
نبیِ کریم،رؤفٌ رَّحِیْم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ فرماتے ہیں کہ پھر مجھے آسمان کی طرف لے جایا گیا ۔