پیاری پیاری اسلامی بہنو! نبیٔ کریم،رؤف رحیمصَلَّی اللّٰہُ عَلَیْہِ واٰلِہٖ وَسَلَّم کی محبت ہمارے ایمان کی بنیاد ہے اور محبت کی ایک علامت یہ ہے کہ محبوب کا کثرت سے ذکر کیا جائے روایت میں ہے:”مَنْ اَحَبَّ شَیْئًا اَکْثَرَ مِنْ ذِکْرِہ“ یعنی جو کسی سےمحبت کرتاہےاس کا کثرت سےذکرکرتا ہے۔( جامع صغیر، ص۵۰۷،حدیث:۸۳۱۲)

                                                یوں تو  ہمیں سارا سال ہی آقا کریم ،رؤف رحیمصَلَّی اللّٰہُ عَلَیْہِ واٰلِہٖ وَسَلَّم کاذکرِ خیر کرنا اور اپنے قول و فعل کے ذریعےآپ صَلَّی اللّٰہُ عَلَیْہِ واٰلِہٖ وَسَلَّم سے محبت کا اظہار کرنا  چاہئے،اس ذکر کا بہترین ذریعہ نبی اکرم ، نورِمجسمصَلَّی اللّٰہُ عَلَیْہِ واٰلِہٖ وَسَلَّم پردرودِ پاک پڑھنا ہے۔کیونکہ درودِپاک پڑھنے کےبے شمار فضائل وبرکات ہیں،مثلاً درودِ پاک کی برکت سے دلوں  کی صفائی ہوتی ہے۔درودِ پاککی برکت سے رِزق میں برکت  ہوتی ہے۔ درودِ پاککی برکت سے پل صراط  پر آسانی نصیب ہوگی۔درودِ پاککی برکت سے آقا کریم ، رؤف رحیم صَلَّی اللّٰہُ عَلَیْہِ وَاٰلِہٖ وَسَلَّم کی شفاعت نصیب ہوگی ۔لہٰذا ہمیں چاہئےکہ اس بابرکت مہینے میں درودِ پاک کی کثرت کریں۔آئیے ! مل کر دعا کرتی ہیں :

بچیں  بے کار باتوں سے  پڑھیں اے  کاش کثرت سے          ترے محبوب پر ہر دم درودِ پاک  ہم مولیٰ

(وسائلِ بخشش مرمّم،ص۹۹)

صَلُّوْا عَلَی الْحَبِیْب!                                               صَلَّی اللّٰہُ عَلٰی مُحَمَّد

نوافل کی کثرت کیجئے

       پیاری پیاری اسلامی بہنو! ہم ماہِ ربیع الاول میں کئےجانےوالے نیک اعمال کے بارے میں سن رہی تھیں،ربیع الاول میںاللہ پاک اور اس کےمحبوب کاقرب پانےوالے اعمال بجالائیں، اس