انداز کیساتھا؟پیارے آقا صَلَّی اللّٰہُ عَلَیْہِ واٰلِہٖ وَسَلَّمَ کے کھانے کا انداز کیسا تھا؟ پیارے آقاصَلَّی اللّٰہُ عَلَیْہِ واٰلِہٖ وَسَلَّمَ کا معاشرے میں رہنے کا انداز کیساتھا؟ساتھ ہی ساتھ صحابہ کرام وصحابیات  اور بزرگانِ دین رَحِمہُم اللّٰہُ المُبِیْن کی سنّتِ رسول سےوالہانہ محبت،سُنَّتوں پر عمل کرنے کے واقعات کے بارے میں سنیں گی ۔لہٰذا اچھی اچھی نیتوں اور دلجمعی کے ساتھ مکمل بیان سننےکی نیت کر لیجئے۔

       آئیے!سب سے پہلے پیارے آقا،مدینے والے مُصطفٰےصَلَّی اللّٰہُ عَلَیْہِ واٰلِہٖ وَسَلَّمَکے زندگی گزارنے کا  ایک واقعہ  سنتی ہیں :چنانچہ

اَخلاقِ مصطفےٰ کی جھلکیاں

       اُمُّ المومنین حضرت عائشہ صِدِّیقہرَضِیَ اللّٰہُ عَنْہا فرماتی ہیں:رسولُ اللہ صَلَّی اللّٰہُ عَلَیْہِ واٰلِہٖ وَسَلَّمَ سے زیادہ کوئی خوش اخلاق نہیں تھا۔آپ صَلَّی اللّٰہُ عَلَیْہِ واٰلِہٖ وَسَلَّمَ کے صحابہ یا آپ کے گھر والوں میں سے جو کوئی بھی آپ کو پکارتا تو آپ لَبَّیْک(یعنی میں حاضر ہوں)کہہ کر جواب دیتے۔حضرت جریررَضِیَ اللہُ عَنْہُارشاد فرماتے ہیں:میں جب سےمسلمان ہواکبھی بھی رسولُ الله صَلَّی اللّٰہُ عَلَیْہِ واٰلِہٖ وَسَلَّمَنے مجھےاپنےپاس  آنےسے نہیں روکا اورجس وقت بھی مجھے دیکھتے تو مسکرا دیتے اور آپ صَلَّی اللّٰہُ عَلَیْہِ واٰلِہٖ وَسَلَّمَ اپنے صحابہرَضِیَ اللّٰہُ عَنْہُم سے خوش طبعی بھی فرماتے اور سب کے ساتھ مل جل کر رہتے، ہر ایک سے گفتگو فرماتے، صحابۂ کرامرَضِیَ اللّٰہُ عَنْہُمکے بچوں سے بھی خوش طبعی فرماتے، ان بچوں کو اپنی مُبارک گود میں بٹھا لیتے، آزاد، غلام اور مسکین سب کی دعوتیں قبول فرماتے، مدینے کے دُور دراز مقامات پر رہنے والے مریضوں کی عیادت کیلئے تشریف لے جاتے تھے اور مَعْذِرَت کرنے والے کی مَعْذِرَت قبول فرما لیا کرتے تھے۔

(الشفاء بتعریف حقوق المصطفی ،فصل واما حسن عشرتہ، ۱ / ۱۲۱)