کعبے کےبدر الدُّجیٰ تم پہ کروروں  دُرُود                                     طیبہ کے شمسُ الضُّحٰی تم پہ کروروں  دُرُود

(حدائقِ بخشش،ص۲۶۴)

 صَلُّوْا عَلَی الْحَبِیْب!                                               صَلَّی اللّٰہُ عَلٰی مُحَمَّد

پىارے پىارے اسلامى بھائىو!حُصُولِ ثَوَاب کی خَاطِر بَیان سُننےسے پہلےاَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِـيَّةُ الْمُؤْمِنِ خَـیـْرٌ مِّـنْ   عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔^([1])

  مسئلہ:نیک اور جائز کام میں جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

٭اچھی اچھی نیّتوں کے ساتھ اوّل تا آخر بیان سنئے، ٭پوری توجہ کےساتھ بیان سننے کی نیّت کیجئے، ٭ادب کے ساتھ بیٹھنے کی نیّت کیجئے، ٭اگر قلم، ڈائری آپ کے پاس ہے تو اَہَمّ نکات نوٹ کرنے کی بھی نیّت کر لیجئے۔

صَلُّوْا عَلَی الْحَبیب!                                            صَلَّی اللّٰہُ عَلٰی مُحَمَّد

      پىارے پىارے اسلامى بھائىو! رَبِیعُ الاَوَّل کامبارک مہینااپنی برکتیں لُٹا رہا ہے، ہر طرف میٹھے میٹھے آقا، دوجہاں کےداتا صَلَّی اللّٰہُ عَلَیْہِ واٰلِہٖ وَسَلَّمَ کی آمد کی خوشیاں ہیں۔ عاشقانِ رسول پیارے آقا،مکی مدنی مصطفیٰ کی یادسے اپنے دِل و دِماغ کو مہکا رہے ہیں، ٭کہیں آپ کی وِلادَت کا ذِکر ہے تو کہیں آپ کے کمالات(Virtues)کی بات ہے۔٭کہیں آپ کی شان وعظمت کابیان ہے توکہیں آپ کی مُبارَک صُورت کا ذِکر خیر ہے۔٭کہیں عِبادتِ مصطفےٰ  کا بیان ہے توکہیںسِیادتِ