Book Name:ALLAH Pak Kay Piyaray Naam
سزا اَور عذاب کے مستحق ہیں۔ آئیے! ان تین باتوں کی مختصر وضاحت سنتے ہیں!
1-اللہ پاک کے پاکیزہ نام “ اَسْمَاءِ حُسنیٰ “ ہیں
اللہ پاک نے فرمایا :
وَ لِلّٰهِ الْاَسْمَآءُ الْحُسْنٰى (پارہ : 9 ، سورۃالاعراف : 180)
ترجمہ کنز العرفان : اور بہت اچھے نام اللہ ہی کے ہیں۔
امام فخر الدِّین رازی رَحمۃُ اللہِ عَلَیْہ فرماتے ہیں : آیت کے اس حِصّے کا معنی یہ ہے کہ اَسْمَاءِ حُسنیٰ (یعنی اچھے نام) صِرْف و صِرْف اللہ پاک کے ہیں ، اللہ پاک کے عِلاوہ اَور جس کسی کا نام اچھا ہے ، وہ اللہ پاک کی عطا سے ، اس کے اِحْسَان ہی سے اچھا ہے۔ پھر اسی سے یہ بھی ثابت ہو گیا کہ اللہ پاک کے جتنے نام ہیں وہ سب کے سب اچھے ہی اچھے ہیں ، کوئی بھی بُرا نام ، کوئی بھی بُرے معنیٰ والا نام اللہ پاک کا نہ ہے ، نہ ہو سکتا ہے۔ ([1])
پیارے اسلامی بھائیو! اس آیتِ کریمہ میں اللہ پاک نے اپنے پاکیزہ ناموں کو اَسْمَاءِ حُسنیٰ (یعنی حُسن والے ، اچھے نام) فرمایا ، اس میں ہمارے سیکھنے کا ایک مدنی پھول یہ ہے کہ ہم بھی اپنے ، اپنے بچوں کے اچھے اچھے ، حُسْن والے ، خوبصُورت نام رکھا کریں۔ عَلَّامہ ابن عربی رَحمۃُ اللہِ عَلَیْہ فرماتے ہیں : جب تم نے یہ جان لیا کہ اللہ پاک کے پاکیزہ نام حُسْن والے ہیں تَو اب تُم بھی اپنے نام اچھے اچھے ، حُسْن والے رکھا کرو...! ([2])
اور یہ کیسے ہو گا؟ ہم اپنے ، اپنے بچوں کے نام اچھے اچھے کیسے رکھیں گے؟ علَّامہ ابنِ