نمازیں (پڑھنے میں 5 مگر اَجْر و ثواب کے اعتبار سے ) 50 ہی رہیں گی۔ ^([1])

سُبْحٰنَ اللہ! پیارے اسلامی بھائیو! یہ ہے ہمارے آقا ومولیٰ، مکی مَدَنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی شان مبارک...!! شبِ مِعْراج آپ صَلَّی اللہ عَلَیْہِ وَ آلِہٖ وَ سَلَّم 10 مرتبہ اللہ پاک کی بارگاہ میں حاضِر ہوئے، ایک تو پہلی حاضِری ہوئی، پھر حضرت موسیٰ علیہِ السَّلام کی درخواست پر 9 مرتبہ حاضِری کی سعادت پائی۔ سُبْحٰنَ اللہ!

قصرِ دنیٰ تک کس کی رسائی                                                                                         جاتے یہ ہیں، آتے یہ ہیں

اور کسی عاشقِ رسول نے کہا:

اَوج پانا مرے حُضُور کا ہے                                                                               عرش جانا مرے حُضُور کا ہے

عرش سے بھی پرے وہ ہو آئے                                                 آنا جانا مرے حُضُور کا ہے

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

نمازمؤمن کی معراج ہے

پیارے اسلامی بھائیو! یہاں اس بات پر بھی غور فرمائیے! کہ نماز کتنی اَہَم عبادت ہے۔ اللہ پاک نے اپنے محبوبِ ذیشان صَلَّی اللہ عَلَیْہِ وَ آلِہٖ وَ سَلَّم کو اپنی خاص بارگاہ میں تنہائی میں بُلایا، کتنا اہتمام کیا گیا، پِھر وہاں سے جو محبوب صَلَّی اللہ عَلَیْہِ وَ آلِہٖ وَ سَلَّم کی پیاری اُمّت کے لئے تحفہ بھیجا، وہ یہی پیاری پیاری نماز ہے۔ اور کرم کی بات دیکھئے! ہم پر صِرْف5 نمازیں فرض ہیں مگر ان کا ثواب 50 نمازوں کے برابر رکھا گیا ہے۔ سُبْحٰنَ اللہ!

مِرْقَاۃُ المَفَاتِیْح میں ہے:اَلصَّلَاۃ ُمِعْرَاجُ الْمُؤْمِننماز مُؤمن کی مِعْراج ہے۔ ^([2])