Book Name:ALLAH Pak Ki Muhabbat Kaisay Hasil Ho?
پیارے اسلامی بھائیو! مَحَبَّتِ الٰہی بڑھانے، رِضائے الٰہی پانے، دل میں خوفِ خدا جگانے، ایمان کی حِفاظت کی کُڑھن بڑھانے، خُود کو عذابِ قبرو جہنَّم سے ڈرانے، گُناہوں کی عادت مِٹانے، اپنے آپ کو سُنَّتوں کا پابند بنانے، دل میں عشقِ رسول کی شَمع جَلانے اور جنّت الفردوس میں مکّی مَدَنی مُصطَفٰے صَلَّی اللّٰہُ عَلَیْہِ واٰلِہٖ وَسَلَّمَ کا پڑوس پانے کا شوق بڑھانے کیلئے اچھا، دینی ماحول اور نیک لوگوں کی صُحبت حددَرجہ ضروری ہے ،کیونکہ آج مُعاشرے کے ناگُفتہ بِہ حالات میں گُناہوں کا زور دار سیلاب ،جسے دیکھو بہائے لئے جا رہا ہے،ایسے میں دعوتِ اسلامی کا دینی ماحول کسی نعمتِ عُظمٰی سے کم نہیں، لہذا آپ بھی اس پیارے سے دینی ماحول سے ہر دَم وابَستہ رہئے اور دعوتِ اسلامی کے دینی ماحول سے وابستہ ہوکر12 دینی کاموں میں شامل ہوکر دِین کے پیغام کو عام کرنے کی نِیَّت کرلیجئے،اِنْ شَآءَ اللہ اس کی ڈھیروں برکتیں اپنی آنکھوں سے دیکھیں گے۔
یاد رہے!ذیلی حلقے کے 12دینی کاموں میں سے ایک دینی کام”علاقائی دورہ“ بھی ہے۔ اس دینی کام کے بے شمار فائدے ہیں،مثلاً مسجد آباد رہتی ہے، علاقے میں خوب دینی کام پھیلتاہے،نئے نئے اسلامی بھائی دینی ماحول کےقریب آتےہیں،بے نمازیوں کو نمازی بنانے کی سعادت نصیب ہوتی ہے،ا میرِ اہلِ سُنَّت دَامَتْ بَرَکَاتُہُمُ الْعَالِیَہ کی دعاؤں سے حِصَّہ اورنیکی کی دعوت دینے کا موقع ملتا ہے۔
اللہ پاک ہمیں بڑھ چڑھ کر دینی کاموں میں حصہ لینے کی توفیق عطا فرمائے ۔اٰمین
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پیارے اسلامی بھائیو !اَلْحَمْدُ لِلّٰہ عاشقانِ رسول کی دینی تحریک دعوتِ اسلامی کا مشکبار دینی ماحول اچھی صُحبت فراہم کرتا ہے، اس دینی ماحول سے وابستہ ہوکر لاکھوں لوگ گُناہوں بھری زِندگی سے