جنگِ بَدرمیں حضرت عُکَّاشَہرَضِیَ اللہُ عَنْہُ کی تلوارSword))ٹوٹ گئی تو وہ تاجدارِ رسالت صَلَّی اللہُ عَلَیْہِ واٰلِہٖ وَسَلَّمَ کی بارگاہ میں حاضر ہوگئے،آپ صَلَّی اللہُ عَلَیْہِ واٰلِہٖ وَسَلَّمَ نے اُنہیں ایک چھڑی دی جو اُن کے ہاتھ میں پہنچتےہی تلوار بن گئی۔(جامع الاصول،الفرع الاول،عکاشہ بن محصن، ۱۳/ ۳۲۴ ملخصاً)

آنکھ عطا کردی

ایک موقع پر حضرت قَتَادہ رَضِیَ اللہُ عَنْہُ کی آنکھ تِیرلگنے سے نکل گئی تو وہ ڈَھیلا لے کر سرکارِ دو عالم صَلَّی اللہُ عَلَیْہِ واٰلِہٖ وَسَلَّمَ کی بارگاہِ اقدس میں حاضر ہو گئے اور آنکھ مانگی تو آپ صَلَّی اللہُ عَلَیْہِ واٰلِہٖ وَسَلَّمَ نے انہیں آنکھ عطاکردی۔(مصنف ابن ابی شیبہ،کتاب الفضائل،فی فضل الانصار، ۷/۵۴۲،حدیث:۱۵ملخصاً)

ٹوٹی پنڈلی کو درست کردیا

حضرت امام بخاری رَحْمَۃُ اللہِ عَلَیْہ سے منقول ہے:غَزوۂ خَیْبر کےموقع پرحضرت سَلَمَہ بن اَکْوَعرَضِیَ اللہُ عَنْہُاپنی ٹُوٹی ہوئی پنڈلی لے کر بارگاہ ِرسالت میں حاضر ہوئے تو آپ صَلَّی اللہُ عَلَیْہِ واٰلِہٖ وَسَلَّمَ نے اُسی وَقْت اُن کی پنڈلی کو درست کردیا۔(بخاری،کتاب المغازی،باب غزوۃ خیبر، ۳/۸۳،حدیث:۴۲۰۶ ملخصاً)

انگلیوں سےپانی کے چشمے جاری کردئیے

بخاری شریف کی روایت میں ہے:قَحط (Drought)سے نجات پانے کیلئے ایک صحابی رَضِیَ اللہُ عَنْہُ کے درخواست کرنے پرحُضورِ اقدس صَلَّی اللہُ عَلَیْہِ واٰلِہٖ وَسَلَّمَ نےدعا فرمائی تو ایسی بارش بَرسی کہ ہفتہ بھر رُکنےکا نام نہ لیا۔(بخاری، کتاب الاستسقاء،باب الاستسقاء علی المنبر،۱/۳۴۸،حدیث:۱۰۱۵ماخوذاً)

صحابَۂ کرامرَضِیَ اللہُ عَنْہُمْ اَجْمَعِیْنایک مرتبہ سفر میں پیاس سےبےقرار ہوئے تو بارگاہِ رِسالت میں حاضر ہو کر اپنی پیا س کے بارے میں عرض کی،سرکارِ کائنات صَلَّی اللہُ عَلَیْہِ واٰلِہٖ وَسَلَّمَ نے اُنگلیوں سے پانی کے چشمے بہا کر اُنہیں سیراب کر دیا۔(بخاری،کتاب المناقب،باب علامات النبوۃ…الخ،۲/۴۹۵، حدیث: ۳۵۷۹ ماخوذاً)