تيسرا حق :تَشْمِیْتُ الْعَاطِسِ  (چھینک کا جواب دینا) ۔

وضاحت: * مسلمان چھینکے اور اَلْحَمْدُ لِلہِ کہے تو سننے والے پر جواباً یَرْحَمُکَ اللہِکہنا واجب ہے *چھینک کا جواب فوراً اور اتنی آواز میں دینا واجب ہے کہ چھینکنے والا سن لے  *صرف پہلی چھینک کا جواب واجب ہے دوبارہ چھینکے تو اب جواب واجب نہیں بلکہ مستحب ہے۔^([1])

چھینک کا  جواب دینے کا طریقہ :جس کو چھینک آئے اسے اَلْحَمْدُ لِلہِ کہنا چاہئے !بہتر یہ ہے کہ اَلْحَمْدُ لِلہِ رَبِّ الْعَالَمِیْن کہے اور سننے والا اس کے جواب میں یوں کہے :یَرْحَمُکَ اللہِپھر چھینکنے والا کہے: یَغْفِرُ اللہُ لَنَا وَلَکُم ۔^([2])

دہرائی

آج ہم نے مسلمانوں کے 3 حقوق سیکھے ہیں:(1): عِیَادَۃُ الْمَرِیْضِ مریض کی عیادت کرنا (2):اِتِّبَاعُ الْجَنَائِز جنازے کے ساتھ چلنا (3): وَتَشْمِیْتُ الْعَاطِسِ اورچھینک کا جواب دینا۔

سیکھنے سکھانے کے حلقوں میں یاد کروائی جانے والی دُعا

عیادت کرتے وقت کی دعا

لَابَأْسَ طَھُوْرٌ  اِنْ شَآءَ  اللّٰہ 

ترجمہ: کوئی حرج کی بات نہیں  اِنْ شاۤء اللہُ! یہ مرض گناہوں سے پاک کرنے والا ہے۔^([3])