٭…اصحابِ کہف رَضِیَ اللّٰہُ تَعَالٰی عَنْہُم کا کُتّا،اللہ عَزَّ  وَجَلَّ  کے ولیوں سے نسبت و محبت کا شرف پاکر اور ان کا ادب بجالاکر بارگاہِ الٰہی میں مقبول اور جنّتی ہوگیا۔

٭…اَصحابِ کہف رَضِیَ اللّٰہُ تَعَالٰی عَنْہُم کے اسمائے گرامی کی برکت سے آگ سے حفاظت ہوتی ہے، اَصحابِ کہف رَضِیَ اللّٰہُ تَعَالٰی عَنْہُم کے اسمائے گرامی کی برکت سےسرمایہ محفوظ رہتا ہے،اَصحابِ کہف رَضِیَ اللّٰہُ تَعَالٰی عَنْہُم کے اسمائے گرامی کی برکت سےکشتی وجہاز ڈُوبنے سے محفوظ رہتے ہیں،اَصحابِ کہف رَضِیَ اللّٰہُ تَعَالٰی عَنْہُم کے اسمائے گرامی کی برکت سےبھاگا ہوا شخص واپس آجاتا ہے الغرض ان ولیوں کے ناموں کی برکت سے بہت سی پریشانیوں سے چھٹکارا نصیب ہوجاتا ہے۔ اللہ تعالیٰ اَصحابِ کہف رَضِیَ اللّٰہُ تَعَالٰی عَنْہُم کے طفیل ہمیں اولیائے کرام عَلَیْہِم رَحْمَۃُ اللّٰہ ِالسَّلام کا ادب و احترام اور ان کی سچی پکی عقیدت و محبت نصیب فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!بیان کو اِختِتام کی طرف لاتے ہوئے سنّت کی فضیلت اور چند سُنّتیں اور آداب بَیان کرنے کی سَعادَت حاصِل کرتا ہوں ۔ شَہَنْشاہِ نُبُوَّت ، مُصْطَفٰے جانِ رحمت، صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ جنّت نشان ہے: جس نے میری سنّت سے مَحَبَّت کی اُس نے مجھ سے مَحَبَّت کی اور جس نے مجھ سے مَحَبَّت کی وہ جنّت میں میرے ساتھ ہو گا ۔⁽¹⁾

سنّت کے مطابِق میں ہر اک کام کروں کاش    تُو پیکرِ سنّت مجھے اللہ! بنادے

(وسائلِ بخشش(مرمم)،ص۱۱۸)

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

مـــــــــــــــــــــــــــــــــــــــــــــــــــــــــــــــــــــــــدینـــہ

[1]… مشکاۃ الصابیح،کتاب الایمان،باب الاعتصام بالکتاب والسنۃ،۱/۹۷،حدیث:۱۷۵