فرماتے ہیں :

جو نہ بُھولا ہم غریبوں کو رَضاؔ                  یاد اُس کی اپنی عادت کیجئے ^([1])

صَلُّوْا عَلَی الْحَبِیْب!                                                                                  صَلَّی اللہُ عَلٰی مُحَمَّد

 اُمّت کی اکثریت جنَّتُ الفردوس میں رہے گی

حضرتِ سَیِّدُنا شیخ عبدالعزیز دَبَّاغ رَحْمَۃُ اللّٰہِ عَلَیْہِ فرماتےہیں : سب سے اعلیٰ دَرجے کی جنَّت ، جَنَّتُ الفردوس کے رہنے والوں میں اکثریتمُحَمَّدٌرَّسُوْلُ اللہ صَلَّی اللّٰہُ عَلَیْہِ وَ اٰلہٖ وَسَلَّمکی اُمّت کی ہو گی۔ چند مَخْصُوْص لوگوں کے سِوا بقیہ ساری اُمّت آٹھوں جنَّتوں میں سب سے اعلیٰ جنَّت ، جَنَّتُ الفردوس میں رہے گی۔ رَسُولِ رَحمت صَلَّی اللّٰہُ عَلَیْہِ وَاٰلہٖ وَسَلَّم اپنی اُمّت سے بہت محبت فرماتے ہیں ، اِس لیے آپ صَلَّی اللّٰہُ عَلَیْہِ وَاٰلہٖ وَسَلَّمکی خواہش تھی کہ آپ صَلَّی اللّٰہُ عَلَیْہِ وَاٰلہٖ وَسَلَّم اپنی اُمّت کو اپنی نگاہوں کے سامنے رکھیں۔ ^([2])

شُکر ایک کَرم کا بھی ادا ہو نہیں سکتا        دِل اُن پہ فِدا جانِ حَسنؔ اُن پہ فِدا ہو^([3])

                             اے عاشقان ِرسول!دیکھا آپ نے!ہمارے پیارے آقا ، مدینے والے مصطفیٰ  صَلَّی اللّٰہُ عَلَیْہِ وَاٰلِہٖ وَسَلَّم  کو اپنی اُمّت سے کیسی محبت ہے اور اس کی کتنی فکر ہے کہ کل بروزِ قیامت بھی اپنی اُمّت کو جنت میں اپنی نگاہوں کے سامنے رکھیں گے اور انہیں جنّتوں میں سب سے اعلیٰ جنت یعنی جَنَّتُ الفردوس میں ٹھہرائیں گے ۔