دِلا    غافل  نہ  ہو   یکدم ، یہ  دُنیا  چھوڑ   جانا ہے                                                                                       بغیچے   چھوڑ  کر   خالی ، زمین   اندر   سمانا   ہے

تُو   اپنی   موت  کو  مت   بُھول ، کر سامان چلنے کا                            زمیں کی خاک پر سونا ہے ، اِینٹوں کا سِرہانا ہے

جہاں کے شَغْل میں شاغل ، خدا کے ذکر سے غافل                              کرے  دعویٰ  کہ  یہ دنیا ، مِرا  دائم ٹھکانا ہے

غلام   اِک   دَم  نہ  کر غفلت ، حیاتی  پر نہ ہو غُرَّہ                              خداکی یاد کر  ہر دم ، کہ جس نے  کام آنا ہے

صَلُّوا عَلَی الْحَبیب!                                                                                               صَلَّی اللّٰہُ عَلٰی مُحَمَّد

روزِ محشر سوال 

امام محمد بن محمد غزالی  رَحْمَۃُ اللہِ عَلَیْہ  قیامت کے دن رب کی بارگاہ  میں پیشی کی منظر کشی بیان کرتے ہوئے فرماتے ہیں : اے مومن یاد کر !تیرے گناہوں کے بدلے کل بروزِ قیامت یہی خوف کافی ہے کہ  تجھےتیری پیشانی سے پکڑ کر کھینچا جائے گا اس وقت تیرا دل بے چین ہو گا ، عقل ختم   ہوجائے گی ، کندھے تھرتھرا رہے ہوں گے ، اعضاء کانپ رہے ہوں گے ، رنگ بدل جائے گا ، خوف کی شدت کی وجہ سے سارا جہاں اندھیرے میں ڈوبا ہوا لگے گا۔ ہاں!اپنی فکر کیجیے! کہ اسی حالت میں لوگوں کی گردنیں پھلانگتے ، صفوں کو چیرتے آگے بڑھ رہے ہوں گےاور ہمیں پیچھے رہ جانے والے گھوڑوں کی طرح کھینچا جا رہا ہو گا ، تمام مخلوق نظریں اٹھا اٹھا کر دیکھے گی ، اب خیال کیجیے کہ فرشتوں کے ہاتھوں میں ہیں  اور اسی حالت میں ہمیں رحمٰن کے عرش تک لے جا کر پھینک دیتے ہیں ، اب اللہ  پاک اپنے عظیم کلام سے یوں ندا فرماتا ہے : اے ابن آدم! میرے قریب ہوجا!اب پریشان وغمگین اور ٹوٹے دھڑکتے دل کے ساتھ ذلیل وشرمسار قریب ہوتے ہیں ، ہمیں ہمارا نامۂ اعمال دیا جاتا ہے جس میں ہر چھوٹا بڑا گناہ