الٰہی پر عمل کیلئے ہمہ وَقْت تیار رہنا، دل کو غیر کی مَحَبَّت سے پاک رکھنا،اللہ پاک کے محبوبوں سے مَحَبَّت اوراللہ پاک کے دُشمنوں سےنفرت کرنا،اللہ پاک کے پیاروں کا نیاز مندرہنا،اللہ  پاک کے سب سے پیارے رسول و محبوب صَلَّی اللہُ   عَلَیْہِ وَاٰلِہٖ وَسَلَّم کو دل و جان سے محبوب رکھنا،اللہ  پاک کے کلام کی تلاوت، اللہ پاک کے مُقرَّب بندوں کو اپنے دلوں کے قریب رکھنا، اِن سے مَحَبَّت رکھنا، مَحَبَّت ِ الٰہی میں اضافے کیلئے ان کی صُحبت اختیار کرنا،اللہ  پاک کی تعظیم سمجھتے ہوئے ان کی تعظیم کرنا،یہ تمام اُمُور اور ان کے علاوہ سینکڑوں کام ایسے ہیں، جو مَحَبَّتِ الٰہی کی دلیل بھی ہیں اوراُس کے تقاضے بھی ہیں۔ (تفسیرصِراطُ الجنان،1/264  )

    صَلُّوْا عَلَی الْحَبِیْب!                                                                                                                صَلَّی اللّٰہُ   عَلٰی مُحَمَّد

مکتبۃ المدینہ کی   کتاب"اللہ والوں کی باتیں"میں ایک ایسی حدیثِ پاک لکھی ہے،جسے سُن کر گناہگاروں کی ڈھارس بندھے گی اورنیکو کار ڈَر جائیں گے۔اِنْ شَآءَ اللہ ۔ اس حدیثِ پاک کو سُن کر آپ کو معلوم ہو گا کہ جو اللہ  پاک سے محبت کرتا ہے، اُس کی رات کیسے گزرتی ہے؟چنانچہ

اللہ پاک کے آخری نبی    صَلَّی اللہُ   عَلَیْہِ وَاٰلِہٖ وَسَلَّم کا فرمان جنت نشان ہے: اللہ    پاک نے حضرت   داؤد عَلَیْہِ السَّلَام کی طر ف وحی بھیجی کہ’’ اے داؤد(عَلَیْہِ السَّلَام)! گنہگاروں کو خُوشخبری دے دو اور صِدّیقین کو ڈرسُناؤ۔‘‘ تو حضرت    داؤد عَلَیْہِ السَّلَام کو اس بات پر بڑاتَعَجُّب ہوا، تو اُنہوں نے عرض کی:’’یا رَبّ  میں گنہگاروں کوکیا خُوشخبری دُوں اورصِدّیقین کو کیا ڈرسُناؤں؟‘‘اللہ    پاک نےفرمایا:’’اے داؤد(عَلَیْہِ السَّلَام)! گنہگاروں کو یہ خُوشخبری سُنا دو کہ کوئی گُناہ میری بخشش سے بڑا نہیں اور صِدّیقین کو اس بات کا ڈرسُناؤ کہ وہ اپنے نیک اعمال پر خُوش نہ ہو ں کہ میں نے جس سے بھی اپنی نعمتوں کا حساب لیاوہ تباہ وبرباد ہوجائے گا،اے داؤد(عَلَیْہِ السَّلَام) ! اگرتُو مجھ سے مَحَبَّت کرنا چاہتاہے تو دُنیا کی مَحَبَّت کو اپنے دل سے نکال دے، کیونکہ میری اور دُنیا کی مَحَبَّت ایک دل میں جمع نہیں ہوسکتیں، اے داؤد(عَلَیْہِ السَّلَام) ! جو مجھ سے