اِمداد بھی فرماتے ہیں۔

سُبْحٰنَ اللہ! اے عاشقانِ رسول! بیان کردہ واقعے میں جہاں نبیِّ اکرم صَلَّی اللہُ عَلَیْہِ وَاٰلِہٖ وَسَلَّم کا  ظاہری وصال کے بعد مد د کرنا ثابت ہو رہا ہے، وہیں درود ِپاک کی فضیلت کا بھی بیان  ہے اور یہ بھی معلوم ہوا ! دُرُودِ پاک  ایسا مختصر اور عظیم الشان عمل ہے کہ اس کی برکت سے بڑی سے بڑی بلائیں ٹل جاتی ہیں نیز دُرُودِ پاک پڑھنے والوں پر سرکارِ مدینہ صَلَّی اللہُ عَلَیْہِ واٰلِہٖ وَسَلَّمَ خصوصی شفقتیں فرماتے اور مصیبت کے وَقْت اُن کی حاجات بھی پوری فرماتے ہیں۔

اَلْحَمْدُ لِلّٰہ عاشقانِ رسول کی   دینی تحریک دعوتِ اسلامی کے   دینی ماحول میں مختلف مواقع پر  دُرودِ پاک کی ترغیب دلائی جاتی ہے اور دُرود شریف پڑھنے کی ترغیب تو  ”72 نیک اعمال“  میں بھی شَامل ہے، چنانچہ”72 نیک اعمال“ میں ایک نیک عمل نمبر 8 یہ ہے کہ ”کیا آج آپ نے کم از کم  313 بار درود شریف پڑھا؟ اس نیک عمل پر اگر ہم عمل کریں تو ہم درود و سلام پڑھنے کے عادی بن جائیں گے۔ لہٰذا دُرودِ پاک کی عادت بنانے کیلئے  نیک اعمال پر عمل کیجئے،دُرودوسلام کے فضائل پڑھتےرہیے، ہمیشہ اپنے پاس ایک عدد تسبیح ضرور رکھئےجس کے ذریعے روزانہ ایک مخصوص تعداد میں دُرود شریف پڑھتے رہیے۔ اس کے علاوہ فارغ وَقْت میں  بھی فُضول باتوں میں مشغول رہنے کے بجائے ذِکْر و دُرود کی عادت بنائیے۔ان تمام اچھی عادتوں کو اپنانے کیلئےعاشقانِ رسول کی دینی تحریکدعوتِ اسلامی کے دینی ماحول سے وابستہ ہوکر اس کے شعبہ جات میں اپنی خدمات سرانجام دِیجئے اوردُنیا و آخرت کی برکتوں سے حصّہ لیجئے۔

آئیے!ترغیب کے لئے دُرُودِ پاک پڑھنے سے حاصل ہونے والی بَرَکات کے بارے میں سُنتے ہیں،چنانچہ