بَیان سُننےکی نیّتیں

فرمانِ مصطفےٰ صَلّی اللہُ عَلَیْہ وآلِہ وسَلَّم:اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! *عِلْم حاصل کرنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبِیْب!                                                                                      صَلَّی اللہُ عَلٰی مُحَمَّد

عظیم و بابَرکت رات

اےعاشقانِ رسول!آج1446ھ سنِ ہجری کےرَجَبُ الْمُرَجَّب کی27ویں رات یعنی شبِ معراج  ہے،اللہکریم کالاکھ لاکھ شکر ہے کہ اس نے ایک مرتبہ پھر ہمیں یہ فضائل و برکات والی عظیمُ الشّان اور مُقدَّس رات عطا فرمائی۔

اَلْحَمْدُ لِلّٰہ!آج کی رات وہ عظیم اور جگمگاتی رات ہے جس میں معراج کی رات پیارے آقا صَلَّی اللہُ عَلَیْہِ واٰلِہٖ وَسَلَّمَ کو ایک عظیم مُعْجِزَہ عطا ہوا۔آج کی رات تمام فِرشتوں کے سردار حضرت  جبریلِ امین عَلَیْہِ السَّلَام نبیِّ اکرم صَلَّی اللہُ عَلَیْہِ واٰلِہٖ وَسَلَّمَ کی خدمتِ اَقدس میں اِنتہائی تیز رفتار سُواری” بُراق“لے کر حاضر ہوئے،آقا کریم صَلَّی اللہُ عَلَیْہِ واٰلِہٖ وَسَلَّمَ کودُولہا بنایا،نہایت اِحترام کے ساتھ بُراق پر سُوا رکیاگیا،رسولِ اکرم صَلَّی اللہُ عَلَیْہِ واٰلِہٖ وَسَلَّمَراتوں رات مکّے شریف سے بَیْتُ الْمَقْدِسپہنچے،نبیِّ اکرم صَلَّی اللہُ عَلَیْہِ واٰلِہٖ وَسَلَّمَکااِستقبال کیا،نبیِّ کریم صَلَّی اللہُ عَلَیْہِ واٰلِہٖ وَسَلَّمَ نے سارے نبیوں کی اِمامت فرمائی،آج کی رات رسولِ کریم صَلَّی اللہُ عَلَیْہِ واٰلِہٖ وَسَلَّمَ نےسارےآسمانوں کی سیرفرمائی اور اُس کےعجائبات دیکھے،