Madani Risalon Ki Dhoom Dhaam

مدنی رسائل کے مطالعہ کی دھوم

ماہنامہ فیضانِ مدینہ مئی2022ء

شیخ ِ طریقت ، امیرِ اہلِ سنّت حضرت علّامہ محمد الیاس عطّاؔر قادری  دامت بَرَکَاتُہمُ العالیہ  نے جُمادَی الاُخریٰ اور رجبُ المرجب 1443ھ میں درج ذیل مَدَنی رسائل پڑھنے / سننے کی ترغیب دلائی اور  پڑھنے / سننے والوں کو دُعاؤں سے نوازا : (1)یاربَّ المصطفےٰ! جو کوئی 17 صفحات کا رِسالہ “ اَقْوالِ صِدّیقِ اکبر  رضی اللہُ عنہ “ پڑھ یا سُن لے اُسے اور اُس کی نسلوں کو صحابہ و اہلِ بیت کی سچّی غلامی نصیب فرما اور عشقِ رسول کی لازَوال دولت سے مالا مال فرما کر بے حساب بخش دے۔ اٰمِیْن (2)یاربَّ المصطفےٰ! جو کوئی17صفحات کا رِسالہ “ عرش کا سایہ “ پڑھ یا سُن لے اُسے قِیامت کی سَخْت گرمی میں عرش کا سایہ نصیب فرما کر اپنے راضی ہونے کی خوشخبری عنایت فرما۔ اٰمِیْن (3)یاربَّ المصطفےٰ! جو کوئی 21 صفحات کا رِسالہ “ فیضانِ امام جعفر صادق “ پڑھ یا سُن لے اُسے تمام صحابہ و اہلِ بیت کا سچّا غلام بنا اور اسے امام جعفر صادق کے پیارے پیارے نانا جان ( صلَّی اللہ علیہ واٰلہٖ وسلَّم ) کی قیامت میں شفاعت نصیب فرما۔ اٰمِیْن (4)جانشینِ امیرِ اہلِ سنّت حضرت مولانا عبیدرضا عطاری مدنی  دامت بَرَکَاتُہمُ العالیہ  نے رِسالہ “ امیرِ اہلِ سنّت سے میاں بیوی کے بارے میں سوال جواب “ پڑھنے / سننے والوں کو یہ دُعا دی : یااللہ پاک! جو کوئی 17صفحات کا رِسالہ “ امیرِ اہلِ سنّت سے میاں بیوی کے بارے میں سوال جواب “ پڑھ یا سُن لے اُس کا گھر امن کا گہوارہ بنا اور اس کو اپنی ساری فیملی کے ساتھ مدینے کی بار بار حاضری نصیب فرما۔ اٰمِیْن بِجاہِ خَاتَمِ النَّبِیّٖن  صلَّی اللہ علیہ واٰلہٖ وسلَّم