اس کی تَرْغِیْب دِلائی گئی ہے۔آئیے اس ضمن میں تین(3) فرامینِ خُداوندی سُنتے ہیں:

پارہ 24 سُوْرَۂ حٰم اَلسَّجدہکی آیت نمبر 8 میں اِرْشاد ہوتا ہے:

اِنَّ الَّذِیْنَ اٰمَنُوْا وَ عَمِلُوا الصّٰلِحٰتِ لَهُمْ اَجْرٌ غَیْرُ مَمْنُوْنٍ۠(۸) (پ۲۴،حم السجدۃ:۸)

تَرْجَمَۂ کَنْزُ الْاِیْمَان:بے شک جو ایمان لائے اور اچھے کام کئے اُن کے لئے بے اِنْتِہا ثواب ہے۔

اِنَّ الَّذِیْنَ اٰمَنُوْا وَ عَمِلُوا الصّٰلِحٰتِۙ-اُولٰٓىٕكَ هُمْ خَیْرُ الْبَرِیَّةِؕ(۷) جَزَآؤُهُمْ عِنْدَ رَبِّهِمْ جَنّٰتُ عَدْنٍ تَجْرِیْ مِنْ تَحْتِهَا الْاَنْهٰرُ خٰلِدِیْنَ فِیْهَاۤ اَبَدًاؕ- رَضِیَ اللّٰهُ عَنْهُمْ وَ رَضُوْا عَنْهُؕ- (پ۳۰،البینۃ: ۷۔۸)

تَرْجَمَۂ کَنْزُ الْاِیْمَان:بے شک جو ایما ن لائے اور اچّھے کام کئے وُہی تمام مخلوق میں بہتر ہیں۔اُن کا صِلہ اُن کے رَبّ کے پاس بسنے کے باغ ہیں جن کے نیچے نہریں بَہیں اُن میں ہمیشہ ہمیشہ رہیں اللہ اُن سے راضِی اور وہ اُس سے راضی ۔

اِنَّ الْحَسَنٰتِ یُذْهِبْنَ السَّیِّاٰتِؕ-ؕ(پ۱۲،ھود: ۱۱۴)

تَرْجَمَۂ کَنْزُ الْاِیْمَان:بے شک نیکیاں بُرائیوں کو مِٹا دیتی ہیں۔

میٹھے میٹھے اسلامی بھائیو!دیکھا آپ نے کہ جو لوگ  ایمان لانے کے بعد نیک اَعْمال کرتے ہیں،اللہعَزَّوَجَلَّ  اُن خُوش نصیبوں کو اِس قدر ثواب عطا فرماتا ہے جس کی کوئی اِنْتِہا نہیں نیز جنّتی باغات اُن کا ٹھکانا بنتے ہیں اور کرم بالائے کرم یہ کہ نیک اَعْمال کی وجہ سے اُن کی برائیاں بھی مِٹا دی جاتی ہیں ،لہٰذا ہمیں چاہئے کہ زندگی کو مَوْت سے پہلے ،تندرستی کو بیماری سے پہلے ،جوانی کو بڑھاپے سے پہلے اور فراغت کو مَصْرُوفیَّت سے پہلے غنیمت جانتے ہوئے آخرت کے لئے نیکیوں کا خُوب خُوب  ذخیرہ اکھٹا کریں اور گُناہوں سے بچتے ہوئے اِخْلاص و اِسْتِقامت کے ساتھ   جنّت میں لے جانے والے اَعْمال میں مصروف رہیں۔

حضرتِ سَیِّدُنا جابر بن عبدُاللہ رَضِیَ اللہُ تَعَالٰی عَنْہُ  فرماتے ہیں کہ نبیِ مُکَرَّم،نُورِمُجسَّم صَلَّی اللّٰہُ تَعَالٰی عَلَیْہِ واٰلِہٖ