Book Name:Baron ka Ihtiram Kijiye
بھی اس کا مطالعہ کریں،پھرکسی اورکوپڑھنے کے لیے دے دیں،اس سے اپنے علمِ دِین میں بھی اضافہ ہوگااوردُوسروں تک نیکی کی دعوت پہنچانے کا سلسلہ بھی جاری رہے گا۔اگر"ماہنامہ فیضانِ مدینہ"کی ترکیب کرلیں گے تو گھر میں مدنی ماحول بنانے میں مدد ملے گی۔اِنْ شَآءَ اللہعَزَّ وَجَلَّ
اللہعَزَّوَجَلَّ دعوتِ اسلامی کے تمام شُعْبہ جات بَشمول مکتبۃُ المدینہ کو دن گیارھویں رات بارھویں تَرقّی عطا فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ
صَلُّوْا عَلَی الْحَبِیْبِ! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!اسلام نے والدین ،اساتذہ ٔکرام ،بڑے بہن بھائی ،پیرو مرشد اور دیگر بزرگوں کے ساتھ ساتھ قریبی رشتہ داروں کے حقوق وآداب بھی بیان فرمائے ہیں،قریبی رشتہ داروں سے تعلُّقات عموماً والدین کے سبب ہوتے ہیں اور ان رشتہ داروں سے حُسنِ سُلُوک کرنا بھی گویا والدین کے ادب و احترام کی ایک صورت ہے۔رشتے داروں کے احترام کیلئے یہی ضروری نہیں کہ ان کے سامنے نگاہیں جھکائی جائیں،ہاتھ چُومے جائیں بلکہ ان کے ساتھ صِلہ رحمی کرنا ،قطع تعلقی سے باز رہنا بھی رشتہ داروں کا احترام کہلاتاہے۔
اللہعَزَّ وَجَلَّ پارہ 4سُوْرَۃُ النِّساۤء کی آیت نمبر1میں رِشْتہ داروں کے حُقُوق اداکرنے کا حکم ارشاد فرماتا ہے :
وَ اتَّقُوا اللّٰهَ الَّذِیْ تَسَآءَلُوْنَ بِهٖ وَ الْاَرْحَامَؕ-اِنَّ اللّٰهَ كَانَ عَلَیْكُمْ رَقِیْبًا(۱)
تَرْجَمَۂ کنزالایمان: اوراللہ سے ڈرو جس کے نام پر مانگتے ہو اور رِشْتوں کا لحاظ رکھو،بے شک اللہ ہر وَقْت تمہیں دیکھ رہا ہے۔