اِسْتِعْمال ہونے والی چيزوں کے نہ ہونےپر بھی راضی رہنا قناعت ہے۔ ^([1])* توکل کےتین درجے ہیں(۱)اللہ پاک کی ذات پر بھروساکرنا (۲) اس کے حکم کے سامنے سرتسلیمِ خم کرنا۔ (۳)اپنا ہرمعاملہ اس کے سپرد کر دینا۔ ^([2])* دُنیاوی چیزوں میں قَناعت اور صبْر اچھا ہے مگر آخِرَت کی چیزوں میں حِرص اور بے صَبْری اعلیٰ ہے ، دِین کے کسی دَرَجہ پر پہنچ کر قناعت نہ کرلو آگے بڑھنے کی کوشش کرو۔ ^([3])لالچ بہت ہی بُری خَصْلَت اور نِہایَت خراب عادت ہے ، اللہپاک  کی طرف سے بندے کو جو رِزْق و نعمت اور مال و دَولت یا جاہ (یعنی عزّت)ومَرتَبہ  مِلا ہے ، اُس پر راضی ہو کر قناعت کرلینی چاہئے۔ ^([4])* جس کی للچائی نظریں لوگوں کے قبضےمیں مال کو دیکھتی رہیں وہ ہمیشہ غمگین رہےگا۔ ^([5]) * بلعم بن باعوراء جو بہت بڑا عالم اور مستجاب الدعوات تھا ، حرص و لالچ نے اسے دنیا و آخرت میں تباہ و بربادکر دیا۔ ^([6])* اللہ پاک فرماتا ہے : وہ شخص میرے نزدیک سب سے زیادہ مالدارہےجو میری دی ہوئی چیز پر سب سےزیادہ قناعت کرنےوالاہے۔ ^([7])* اگر انسان کے پاس مال کی دو (2)وادِیاں بھی ہوں تو وہ تیسری وادی کی تمنّا کر ے گا اور اِبنِ آدم کے پیٹ کو قبْر کی مِٹّی کے سِوا کوئی چیز نہیں بھر سکتی۔ ^([8])

صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمّد