سے مزیدمیراقُرب حاصل کرتاجاتاہے یہاں تک کہ میں اسے محبوب بنالیتاہوں اور میں اس کا کان ہوجاتا ہوں جس سے وہ سنتا ہے اور اس کی آنکھ ہوجاتا ہوں جس سے وہ دیکھتا ہے اور اس کا ہاتھ ہوجاتا ہوں جس سے وہ پکڑتا ہے اور اس کا پاؤں ہوجاتا ہوں جس سے وہ چلتا ہے ، اگر وہ مجھ سے مانگے تو میں اس کو ضرور دُوں گا اور اگر وہ مجھ سے پناہ مانگے تو میں اسے ضرور پناہ دُوں گا ۔ “ ^[1]

غورکیجئے کہ  جن کے بارے میں اللہ پاک یہ فرمادے تو ان کی کیفیت کیا ہوگی ، کیوں نہ ان کے ہاتھوں کو چُھو جانے والی چیز سے زہر دُور ہوگا ۔

اے عاشقانِ اعلیٰ حضرت !  آپ نے سنا کہ سرکارِ اعلیٰ حضرت  رَحْمَۃُ اللّٰہ ِ عَلَیْہ  شریعت کی کیسی پاسداری کرنے والے تھے ؟کس قدر محتاط تھے کہ پانی کی دھار کے موٹا ہونے کو اِسراف جان کر اس سے منع فرمایا۔

ذوقِ عبادت ایسا کہ مسجد میں باجماعت نماز کاالتزام فرماتےاورنمازکے بعد وظائف پر بھی  استقامت حاصل تھی ۔ آئیے!ہم بھی یہ پختہ ارادہ کرتے ہیں کہ ہم بھی پانچوں نمازیں باجماعت مسجد میں ادا کیا کریں گے ۔ ان شاۤء اللہ

میں پانچوں نمازیں پڑھوں باجماعت                                                                                ہو توفیق ایسی عطا یاالٰہی

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

غیر مسلم جادو گر  اعلی حضرت کے قدموں میں

پیارے اسلامی بھائیو! اعلیٰ حضرت  رَحْمَۃُ اللّٰہ ِ عَلَیْہ کےہر قول و فعل میں عشقِ