گلٹیاں ختم ہوگئیں                         

جناب محمد حسین رضوی کا بیان ہے کہ 1337  سن ہجری  کے ماہِ شعبان  میں میری زوجہ کو تین گلٹیاں نکلیں ، میں فوراً اعلیٰ حضرت  رَحْمَۃُ اللّٰہ ِ عَلَیْہ  کےدربارپرحاضرہوا اور رو رو کر دعا مانگی اے میرے مرشِد!ایک لڑکی سوا مہینے کی ہے ، دوسرے سب بچے بھی چھوٹے ہیں ، یاسیدی! میرا گھر تباہ ہورہاہے دعافرمائیے ۔ یامُرشِدی!آپ اپنی حیات میں مجھ سے فرمایا کرتے تھے ، پیر حشر میں ، قبر میں ہرجگہ مدد کرتاہے ۔ حضور! اس وقت سے زیادہ مدد کا وقت کون سا ہوگا؟ میرے لیے دعافرمائیے ۔ یہ کہہ کر میں بہت رویا ۔

گویا یہ فریادزبان پر جاری تھی :

ہاں مقتدا و پیشوا ،  یہ تو  بَتا  تیرے  سِوا                                                                                          کس سے کہوں ، جاؤں کہاں ؟یاسیدی یا مرشدی

ناشاد  کا  دل شاد  ہو ،  اُجڑا چمن آباد  ہو                                آئے  بہار ِ بے خزاں  یاسیدی  یا مرشدی

کس سے کریں فریاد ہم ، کس کو سنائیں حالِ غم                                          ہم  رہ  گئے  تنہا یہاں  یاسیدی  یا مرشدی^[1]

اس کے بعد دونوں شہزادوں کی خدمت میں حاضر ہوا انہوں نے دعا فرمائی اور تعویز دئیے ، غسالہ کا پانی دیا کہ اس کو پلائیے ، گلٹیوں پر لگائیےاذانیں کہیے ، گھر آکر دیکھتاہوں کہ زوجہ کا مرض آدھا رہ گیا ہے ۔ اس سے پہلے سرسام(یعنی ایسامرض جس سے دِماغ میں ورم ہوجاتاہے وہ) ہوگیاتھا اور زبان  گویالکڑی ہوگئی تھی ، 6 مہینے طبیعت خراب رہی اب وہ بھی ٹھیک ہوگئی ہے۔ ^[2]