بچتے رہنا ہے (3) : اور تقدیر پرہمیشہ راضِی رہنا ہے ، بےصبری نہیں کرنی ، مصیبت آئے ، پریشانی آئے تو شور نہیں ڈالنا ، واویلا نہیں مچانا بلکہ اللہ پاک کی رِضا میں راضِی رہنا ہے۔ اللہ پاک ہم سب کو اس سبق آموز نصیحت پر عمل کرنے کی توفیق عطا فرمائے۔ آمِیْن بِجَاہِ خَاتَمِ النَّبِیِّیْن صَلّی اللہُ عَلَیْہِ وَآلِہٖ وَسَلَّم۔

از پئے غوثِ اعظم وِلایت                اپنی رحمت سے فرما عنایت

                                                            اپنی ، اپنے نبی کی وِلا کی             میرے مولیٰ تُو خیرات دےدے^([1])

صَلُّوا عَلَی الْحَبیب!                                                           صَلَّی اللّٰہُ عَلٰی مُحَمَّد   

حیاتِ غوث پاک کا مختصر خُلاصہ

پیارے اسلامی بھائیو! شہنشاہِ بغداد حُضُورغوثِ پاک رَحْمَۃُ اللہِ عَلَیْہِ 91 سال ظاہِری زِندگی کے ساتھ اس دُنیا میں تشریف فرما رہے ، عُلمائے کرام نے غوثِ پاک رَحْمَۃُ اللہِ عَلَیْہِ کی اس 91سالہ مبارک زندگی کو 3 حِصَّوں میں تقسیم کیا ہے :    

 (1) : پہلا حِصَّہ : حضور غوثِ پاک ، شیخ عبد القادِر جیلانی رَحْمَۃُ اللہِ عَلَیْہِ کی وِلادت سے لے کر 18 سال تک۔ اس عرصہ میں آپ اپنے آبائی وطن جیلان میں تشریف فرما رہے ، یہیں آپ نے ابتدائی تعلیم حاصِل کی (2) : دوسرا حِصَّہ : 18 سال کی عمر مبارک سے لے کر 51 سال کی عمر مبارک تک ، یہ کُل 33 سال بنتے ہیں ، اس عرصہ میں حضور غوثِ پاک رَحْمَۃُ اللہِ عَلَیْہِ بغداد تشریف لائے اور یہاں عِلْمِ دِیْن حاصِل کیا ، اسی دوران آپ نے خوب مُجاہدات بھی کئے ، آپ جنگلوں میں تشریف لے جاتے ، تنہائی میں رِہ کر اللہ پاک کی