اَلۡحَمۡدُ لِلّٰہِ رَبِّ الۡعٰلَمِیۡنَ وَالصَّلٰوۃُ وَالسَّلَامُ عَلٰی خَاتَمِ النَّبِيِّيْنَ

اَمَّا بَعۡدُ فَاَعُوۡذُ بِاللّٰہِ مِنَ الشَّیۡطٰنِ الرَّجِیۡمِ بِسۡمِ اللّٰہِ الرَّحۡمٰنِ الرَّحِیۡمِ

ہفتہ وار مدنی مذاکرہ

دُرود شریف کی فضیلت

حضرتِ عبد اللہ بن عَمرو رضی اللہ عنہما  فرماتے ہیں : جو نبى پاک صلی اللہ علیہ و اٰلِہ وسلم    پر اىک  بار درود پڑھے گا اللہ پاک اور اس کے فرشتے اس پر 70 مرتبہ رحمت بھىجىں گے۔ ^([1])

صَلُّوْا عَلَی الْحَبِیْب!                                                      صَلّی اللہُ عَلٰی مُحَمَّد

فاروقِ اعظم کا علمی مذاکرہ

ایک مرتبہ حضرتِ  ابو موسیٰ اشعری رضی اللہُ عنہ نَمازِ عشا کے بعد امیر المومنین حضرتِ  عُمَر فَارُوقِ اَعْظَم رضی اللہُ عنہ کی خدمت میں حاضِر ہوئے تو انہوں نے پوچھا: کیسے آنا ہوا؟ عرض کی: کچھ ضروری کام تھا۔اِرشَاد فرمایا:اس وَقْت؟عرض کی: حُضُور!یہ کام شرعی مسائل سیکھنے سکھانے سے تعلُّق رکھتا ہے۔ اِرشَاد فرمایا:ایسا ہے تو آ جائیے! اس کے بعد دونوں حضرات کافی رات گئے تک عِلْمی مذاکرے میں مصروف رہے ، پھر جب (تقریباً سحری کے وَقْت) حضرت  ابو موسیٰ اشعری رضی اللہُ عنہ نے جانے کی اِجازَت طَلَب کی تو امیر المومنین حضرت  عُمَر فَارُوقِ اَعْظَم رضی اللہُ عنہ نے فرمایا: بیٹھ جائیے! کہاں جا رہے ہیں؟ عرض کی: (نَمازِ فجر کا وَقْت ہونے والا ہے، اس سے پہلے پہلے) میں چاہتا ہوں کہ کچھ نوافل ادا کر لوں۔ اِرشاد فرمایا: ہم نَماز ہی میں ہیں۔^([2]) چنانچہ وہ پھر بیٹھ گئے اور دونوں