(وسائلِ بخشش،ص۶۳۸-۶۳۷)

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

حدیثِ پاک کی تعظیم

        میٹھے میٹھے اسلامی بھائیو!تعظیمِ مُصْطَفٰے  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا ایک پہلو یہ بھی ہے کہ پیارے آقا، مکی مدنی مُصْطَفٰے  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی احادیثِ مُبارکہ جو کہ آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے مُبارَک قول و فعل پر مشتمل ہوتی  ہیں،اس کا بھی خُوب خُوب اَدَب کِیا جائے اور احادیثِ مبارکہ پڑھتے،لکھتے ،سُنتے اور بیان کرتے ہوئے تعظیم کا بہت لحاظ رکھا جائے،صحابہ کرام عَلَیْہِمُ الرِّضْوَان  رسولِ اکرم،نورِ مُجَسَّم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی تعظیم کی خاطر حدیثِ پاک کا بھی نہایت اَدَب و احترام کِیا کرتے تھے،جیساکہ حضرت علیُّ المُرتَضٰی رَضِیَ اللّٰہُ تَعَالٰی عَنْہُ سے مروی ہے:جس وقت آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کلام کرتے تو حاضرین اس طرح سر جھکا لیتے کہ گویا ان کے سَروں پر پرندے ہیں۔^([1])

جس وقت تھے خدمت میں اُن کی بوبکر و عثمان و علی

اُس وقت رسولِ اکرم کے دربار کا عالَم کیا ہوگا

اِک سمت علی اِک سمت عُمر صِدّیق اِدھر عثمان اُدھر

ان جگمگ  جگمگ تاروں میں مہتاب کا عالَم کیا ہوگا

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!صحابۂ کرام عَلَیْہِمُ الرِّضْوَان  کے علاوہ دیگر اکابر و بزرگانِ دِین رَحِمَہُمُ اللّٰہُ