نے اُن کا دل موہ لیا اور وہ دعوتِ اسلامی کے مَدَنی ماحول سے وابستہ ہوگئے۔اَلْحَمْدُلِلّٰہعَزَّ  وَجَلَّ اُنہوں نے ایک مُٹّھی داڑھی بھی سجا لی ۔

بگڑے اَخْلاق سارے سَنْوَر جائیں گے،                                             مَدَنی ماحول میں کرلو تُم اِعْتِکاف

جامِ عشقِ مُحمد بھی ہاتھ آئے گا،                                                     مَدَنی ماحول میں کرلو تُم اِعْتِکاف

(وسائل بخشش مرمم،ص۶۴۰-۶۴۱)

صَلُّوْا عَلَی الْحَبِیْب!                                       صَلَّی اللّٰہُ تَعَالٰی عَلٰی مُحَمَّد

مجلسِ تَوْقیت

میٹھے میٹھے اسلامی  بھائیو!جس طرح دعوتِ اِسلامی سے وابستہ ہوکر 12  مَدَنی کاموں میں مشغول ہوجانا نامِ”مُحَمَّد“ کا ادب بجالانے کی  مَدَنی سوچ پانے کا ایک بہترین ذریعہ ہے،اِسی طرح دعوتِ اسلامی کے قائم کردہ شُعبہ جات میں سے کسی شُعبے سے وابستہ ہوکر اپنی خِدمات پیش کرنے سے بھی نامِ اَقدَس کی عِزَّت و حُرمَت اور اِس کے ادب و اِحْتِرام کا ذِہْن نصیب ہوتا ہے۔

اَلْحَمْدُ لِلّٰہ عَزَّ  وَجَلَّ تبلیغِ قرآن وسنت کی عالمگیر غیر سیاسی تحریک دعوتِ اسلامی200 سے زائد ممالک دُنیابھر میں کم  وبیش 104شُعبہ جات میں نیکی کی دَعْوَت کی دُھومیں مَچانے میں مصروفِ عمل ہے۔اِنہی شُعبہ جات(Departments) میں سے ایک”مَجْلسِ تَوْقیت“بھی ہے۔

اَلْحَمْدُ لِلّٰہ عَزَّ  وَجَلَّ مجلسِ تَوْقیت نے اب تک اعلیٰ حضرت رحمۃ اللہ علیہ کی تحقیق کے مطابق عِلْمِ تَوْقیت کے اُصُول و قوانین کے مُطابق کا لحاظ رکھتے ہوئے دنیا کے بے شُمار شہروں)بشمول حرمینِ طیبین)کے”اَوْقاتُ الصَّلٰوة“ کےنقشہ جات کےساتھ ساتھ پاکستان بھر کے پندرہ سو(1500)سے زائدمقامات پر مشتمل عظیم الشان کتاب بنام ’’اوقات ِنماز برائے پاکستان‘‘شائع کروائےچکی ہے۔ اوراَلْحَمْدُ لِلّٰہ عَزَّ  وَجَلَّ مجلسِ تَوْقیت نے اب تک عِلْمِ تَوْقیت کے اُصُول و قوانین کے مُطابق بے