لیتے ہیں۔فَرمانِ مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘ مُسَلمان کی نِیَّت اُس کے عمل سے بہتر ہے۔(معجم کبیر،۶ / ۱۸۵،حدیث: ۵۹۴۲)

دو مَدَنی پھول:(۱)بِغیر اَچّھی نِیَّت کے کسی بھی عملِ خَیْر کا ثواب نہیں ملتا۔

               (۲)جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں:

نگاہیں نیچی کیے خُوب کان لگاکر بَیان سُنُوں گا ٭ٹیک لگا کر بیٹھنے کے بجائے عِلْمِ دِیْن کی تعظیم کی خاطر جہاں تک ہوسکادو زانو بیٹھوں گا ٭ضَرورَتاً سِمَٹ سَرَک کر دوسرے کے لیے جگہ کُشادہ کروں گا ٭دھکّا وغیرہ لگا تو صَبْر کروں گا، گُھورنے، جِھڑکنے اوراُلجھنے سے بچوں گا٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والوں کی دل جُوئی کے لئے بُلند آواز سے جواب دوں گا ٭بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد

بے وُضو نامِ محمد  نہ لینے والے بُزُرگ

دعوتِ اسلامی کے اِشاعتی اِدارے مکتبۃُ المدینہ کی کتاب” گُلدستۂ دُرُود و سَلام“میں ہے  کہ سُلْطان مَحمود غَزنَوِی رَحْمَۃُ اللّٰہ ِتَعَالٰی عَلَیْہ ایک زَبَرْ دَست عالِمِ دِیْن اور صَوْم و صَلوٰۃ کے پابندتھے اور باقاعِدْگی کے ساتھ قُرآنِ پاک کی تِلاوَت کیا کرتے ۔آپ نے اپنی ساری زِندگی دِیْنِ اِسلام کے مُطابق گُزاری اور پَرْچَمِ اِسلام کی سَربُلَندی اور اِعلائے کَلِمَۃُ اللہ(اللہعَزَّ  وَجَلَّ  کا نام بُلند کرنے)کے لئے بہت سی جنگیں  لَڑیں اورفَتْح یاب ہوئے۔آپ شُجاعَت وبَہَادُرِی کے ساتھ ساتھ عشْقِ رَسُول کے عَظِیْم مَنْصَب پر بھی فائز تھے۔

آپ کے فرمانبردار غُلام ایّازکا ایک بیٹا تھا جس کا نام”مُحَمَّد“ تھا۔ حضرت مَحمود غَزنَوِی رَحْمَۃُ