شُمار شہروں کے”اَوْقاتُ الصَّلٰوة“کے نہ صرف نقشہ جات تیّار کئے ہیں بلکہ اس سِلسلے میں مزید ایک قَدَم بڑھاتے ہوئے دعوتِ اِسلامی کی”مَجْلِس آئی ٹی“کے تَعَاوُن سے ایک ایسا سافٹ وئیر بنام”اَوْقاتُ الصَّلٰوة“بھی مُتَعَارَف کروایا ہے کہ جو کمپیوٹر اور موبائل وغیرہ پرنمازوں کے دُرُسْت وَقْت کی نشاندہی میں بہت زِیادہ مُفید ہے۔اس سافٹ وئیر بنام”اَوْقاتُ الصَّلٰوة“سے سینکڑوں مقامات کے اوقاتِ نمازجاننے کی سہولت موجود ہے،نِظامُ الاَوْقات سے مُتَعَلِّق کسی بھی قسم کے مَسْئَلےیا تَجویز کے لئے مَجْلِس کے اراکین و ذِمّہ داران سے عالَمی  مَدَنی مرکزفیضانِ مدینہ باب المدینہ کراچی کے فون نمبر پر یا اِس اِی میل ایڈریس (prayer@dawateislami.net)کے ذریعے رابِطہ کیا جا سکتا ہے۔عالَمی  مَدَنی مرکز فَیْضانِ مدینہ بابُ المدینہ کراچی میں،آفس کے مَخْصُوص اَوْقات میں مَجْلِسِ تَوْقِیت آفس میں بِالْمُشَافَہَ رہنمائی بھی لی جا سکتی ہے۔

اللہ کرم ایسا کرے تُجھ پہ جہاں میں

اے دعوتِ اسلامی تِری دُھوم مَچی ہو

(وسائل بخشش مرمم،ص۳۱۵)

صَلُّوْا عَلَی الْحَبِیْب!                                                    صَلَّی اللّٰہُ تَعَالٰی عَلٰی مُحَمَّد

جشنِ وِلادت  کے بارے میں مکتوبِِ عطَّار

اے جشنِ وِلادتِ مُصْطَفٰے منانے والے عاشقانِ رسول!صَفَرُالْمُظَفَّر کا مُبَارَک مہینا اپنے اِخْتِتَام کی جانب رَواں دَواں ہے۔پھر اِنْ شَآءَ اللہعَزَّ  وَجَلَّ رَبِیْعُ الْاَوَّل کا نُور بار مہینا اپنی آب و تاب کے ساتھ جَلْوَہ گَر ہوگا کہ یہی وہ عَظِیْمُ الشَّان مہینا ہے کہ جس کا عاشقانِ رَسول گیارہ(11) ماہ بڑی شِدَّت کے ساتھ اِنْتِظار کرتے،مَرْحبا یا مُصْطَفٰے کی گونج میں جلسے جُلوس نکالتے جلوسِ مِیلاد کی دُھومیں مچاتے،