Book Name:Hazrat Musa Ki Shan o Azmat
اٰذَوْا مُوْسٰى فَبَرَّاَهُ اللّٰهُ مِمَّا قَالُوْاؕ-وَ كَانَ عِنْدَ اللّٰهِ وَجِیْهًاؕ(۶۹)
(پ۲۲ ، الاحزاب : ۶۹)
جنہوں نے موسیٰ کو ستایا تو اللہ نے موسیٰ کااُس شے سے بَری ہونا دکھا دیا جو اُنہوں نے کہا تھا اور موسیٰ اللہ کے ہاں بڑی وَجاہت والا ہے۔
دوسرامُعْجِزَہ “ میدانِ تِیْہ “ میں اِسی پتھر پر حضرت موسیٰ عَلَیْہِ السَّلَام نے اپنا عصا مار دیا تھا تو اُس میں سے بارہ (12)چشمے جاری ہو گئے تھے جس کے پانی کو چالیس(40) سال تک بنی اِسرائیل میدانِ تِیْہ میں اِستعمال کرتے رہے۔
پارہ 1 سُوْرَۃُ الْبَقَرَۃ کی آیت نمبر 60 میں اِرشاد ہوتا ہے :
فَقُلْنَا اضْرِبْ بِّعَصَاكَ الْحَجَرَؕ- (پ۱ ، البقرۃ : ۶۰)
ترجمۂ کنزُ العِرفان : ہم نے فرمایا کہ پتھر پر اپنا عصا مارو ،
(اِس آیتِ کریمہ)میں “ پتھر “ سے یہی پتھر مُراد ہے۔ (عجائب القرآن مع غرائب القرآن ، ص۲۹)
صَلُّو ْا عَلَی الْحَبِیْب! صَلَّی اللہُ عَلٰی مُحَمَّد
پیاری پیاری اسلامی بہنو! ربِّ کریم نے حضرت موسیٰ عَلَیْہِ السَّلام کو اوربھی کئی معجزات عطا فرمائے تھے۔ جن کا ذِکْر قرآنِ کریم میں بھی بیان ہوا ہے۔ آئیے!پہلے ہم حضرت موسیٰ عَلَیْہِ السَّلام کے عصا(لاٹھی) مبارَک کے تَعَلُّق سے آپ کے 3 معجزات کے بارے میں سنتی ہیں ، چنانچہ
فرعون نے حضرت موسیٰ عَلَیْہِ السَّلام کو شکست دینے کے لئے ایک میلہ لگوایا۔ اُس میلےمیں جہاں لاکھوں انسانوں کا مَجْمَعتھا ، وہیں جادوگروں کا ہجوم بھی اپنی جادوگری کا سامان لے کر جمع ہو گیا۔