اُلٹی بددعا کررہے ہو۔ کہنے لگا : میں کیا کروں !میں بولتاوہی ہوں جو تم چاہتے ہومگر میری زبان سے نکلتا  کچھ اورہے! پھر اچانک اس پر غضب ِ الٰہی نازل ہوا اوراس کی زبان لٹک کر اس کے سینے پر آگئی۔ اس وَقْت  بَلْعَمْ بِنْ بَاعُوْرَاء نے اپنی قوم سے رو کر کہا : اَفْسَوس میری دنیا و آخِرَت  دونوں تباہ وبرباد ہوگئیں ، میرااِیمان  جاتا رہا اور میں قہرِ قہار و غَضَب ِ جبار میں گرفتار ہو گیاہوں۔ جاؤ! اب میری کوئی دُعا  قبول نہیں ہوسکتی۔ ^([1])

ڈر لگتا ہے ایماں کہیں ہو جائے نہ برباد                                             سرکار بُرے خاتمے سے مجھ کو بچانا

جب روح مِرے تن سے نکلنے کی گھڑی ہو                               شیطانِ لعیں سے مِرا ایمان بچانا

جب دم ہو لبوں پر اے شَہَنشاہِ مدینہ                                                 تم جلوہ دکھانا  مجھے کلمہ بھی پڑھانا^([2])

صَلُّوا عَلَی الْحَبیب!          صَلَّی اللّٰہُ عَلٰی مُحَمَّد

بُری لالچ کا انجام

اس واقعہ کا ذکر پارہ9 ، سُوْرۂ اَعْرَاف کی آیت نمبر175 میں ہے :

وَ اتْلُ عَلَیْهِمْ نَبَاَ الَّذِیْۤ اٰتَیْنٰهُ اٰیٰتِنَا فَانْسَلَخَ مِنْهَا فَاَتْبَعَهُ الشَّیْطٰنُ فَكَانَ مِنَ الْغٰوِیْنَ(۱۷۵)

(پ۹ ، الاعراف : ۱۷۵)

ترجمۂ کنز الایمان : اور اے محبوب انہیں اس کا احوال سناؤ جسے ہم نے اپنی آیتیں دیں تو وہ ان سے صاف نکل گیا توشیطان اس کے پیچھے لگا تو گمراہوں میں ہوگیا۔