اقصیٰ کی شوکت                مرحبا        نبیوں کی امامت               مرحبا

آقا کی رِفعت                    مرحبا      آسماں کی سیاحت            مرحبا

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے اسلامی بھائیو! مِعْرَاج شریف کو عُمُوماً معجزہ کہا جاتا ہے ، بالکل یہ عظیمُ الشَّان اور عقل کو حیرت میں ڈال دینے والا معجزہ ہے مگر حقیقت یہ ہے کہ مِعْرَاج شریف صِرْف ایک معجزہ نہیں بلکہ کئی معجزات کا مجموعہ ہے۔ آئیے! مِعْرَاجِ مصطفےٰ  صَلّی اللہُ عَلَیْہ وآلِہ وسَلَّم  میں پائے جانے والے چند معجزات سُن کر دِل میں عشقِ مصطفےٰ  بڑھانے کی کوشش کرتے ہیں۔

(1-2) : وَقْت اور فاصلے کا سمٹ جانا

واقعۂ مِعْرَاج کے ضِمْن میں علمائے کرام 2لفظ اِستعمال کرتے ہیں : (۱) : طَیْ زمان اور (۲) : طَیْ مکان۔ طَیْ زمان کا معنی ہے : کئی سال کے عرصہ کا چند لمحوں میں سِمَٹ جانا اور طَیْ مکان کا معنی ہے : کئی کلومیٹر کے فاصلے کا سمٹ کر کم ہو جانا۔

امیر المؤمنین ، مولا علی  رَضِیَ اللہُ عَنْہ  کی  کرامت بڑی مشہور ہے کہ آپ گھوڑے پر سُوار ہوتے وقت ایک رکاب میں پاؤں رکھتے تو سُورۂ فاتحہ سے قرآنِ کریم کی تِلاوت شروع فرماتے اور گھوڑے کے اُوپَر سُوار ہو  کر دوسری رکاب میں پاؤں رکھنے تک سورۂ  وَالنَّاس تک پورا قرآنِ کریم تِلاوت فرما لیا کرتے تھے ^([1])حالانکہ عَام حالات میں ایک حافِظ مَخَارِج کا خیال رکھ کر قرآنِ کریم کی تِلاوت کرے تو پُورا قرآنِ کریم مکمل پڑھنے میں کم وبیش 10 سے 12 گھنٹے لگتے ہیں لیکن امیر المؤمنین حضرت علی  رَضِیَ اللہُ عَنْہ  کی شان کہ 10 سے 12 گھنٹے کا