Book Name:بسم اللہ Sharif ki Barkat
کا راز ( Secret ) بَتایا جائے ؟ ارشاد ہوا : اے عیسیٰ ( عَلَیْہِ السَّلَام ) ! یہ شخص سخْت گنہگار ہونے کے سبب عَذاب میں گَرِفتا ر تھا ، لیکن بوقتِ انتِقال اِس کی بیوی اُمّید سے تھی ، اُس کے ہاں لڑکا پیدا ہو ا اور آج اُس کومکتب بھیجاگیا ، اُستادنے اُس کو بِسْمِ اللہ پڑھائی ، مُجھے حَیاآئی کہ میں اُس شَخْص کو زَمین کے اندر عَذاب دُوں ، جس کابچّہ زَمین کے اُوپرمیرا نام لے رہاہے۔ ( [1] )
اے خدائے مصطَفےٰ میں ، تری رحمتوں پہ قُرباں ہو کرم سے میری بخشش ، بَطُفیلِ شاہِ جِیلاں
سُبْحٰنَ اللہ ! ہم سب کو چاہے کہ اپنے بچّوں کو ٹاٹا ، پاپا سکھانے کے بجائے ابتدا ہی سے اللہ پاک کا نام لینا سکھائیں اور یہ نہیں کہ صِرْف مرنے والے والِدَین کو ہی اس کی بَرَکتیں حاصِل ہوتی ہیں ، خود سیکھنے اور سکھانے والے کو بھی اِس کی بَرَکتیں نصیب ہوتی ہیں لہٰذا اپنے بچے اور بچیوں سے کھیلتے ہوئے سکھانے ( Teaching ) کی نیّت سے اُن کے سامنے بار بار اللہ اللہ کرتے رہیں تو وہ بھی اِنْ شَآءَ اللہ الْکَرِیْم ! زَبان کھولتے ہی سب سے پہلا لفظ اللہ کہیں گے ۔
مسلمانوں کے چوتھے خلیفہ حضرت عَلیُّ المُرْتَضیٰ شیرِخُدا رَضِیَ اللہ عنہ سے رِوایت ہے ، سلطانِ مکّہ مکرّمہ ، تاجدارِمدینہ منوَّرہ صَلَّی اللہ عَلَیْہِ وَ آلِہٖ وَسَلَّم نے فرمایا : اے علی ( رَضِیَ اللہ عنہ ) ! میں تمہیں ایسے کلمات نہ بتا دوں جنہیں تم مصیبت کے وَقت پڑھ لو ! عَرْض کیا : ضَرور ارشاد فرمایئے ! آپ صَلَّی اللہ عَلَیْہِ وَ آلِہٖ وَسَلَّم پر میری جان قربان ! تمام اچّھائیاں میں نے آپ ہی سے سیکھی ہیں۔ پیارے آقا ، مدینے والے مصطفےٰ صَلَّی اللہ عَلَیْہِ وَ آلِہٖ وَسَلَّم نے فرمایا : جب تم کسی مشکل میں پھنس جاؤتواِس طرح پڑھو : بِسْمِ اللہ الرَّحْمٰنِ الرَّحِیْمِ وَلَاحَوْلَ وَلَاقُوَّۃَ اِلَّابِاللہ الْعَلِیِّ الْعَظِیْم