Book Name:2 Khatarnak Bhediya
12 دینی کاموں میں سے ایک دینی کام : ہفتہ وار مدنی مذاکرہ
پیارے اسلامی بھائیو ! عاشقانِ رسول کی دینی تحریک دعوتِ اسلامی دُنیا بھر میں دِین کا ڈنکا بجانے میں مَصْرُوفِ عمل ہے ، نیک نمازی بننے ، ظاہِری و باطنی گُنَاہوں سے خود کو بچانے ، فِکْرِ آخرت پانے اور اللہ و رسول کی محبّت سے دِل آباد کرنے کے لئے آپ بھی دعوتِ اسلامی کے دینی ماحول سے وابستہ ہو جائیے ! 12 دینی کاموں میں بھی خوب بڑھ چڑھ کر حِصّہ لیجئے ! اِنْ شَآءَ اللہ الْکَرِیْم ! دُنیا و آخرت کی بےشمار بھلائیاں نصیب ہوں گی۔ 12 دینی کاموں میں سے ایک دینی کام ہفتہ وار مدنی مذاکرہ بھی ہے۔
الحمد للہ ! شیخ طریقت ، امیر اہلسنت حضرت علامہ مولانا ابوبلال محمد الیاس عطار قادری رضوی ضیائی دَامَت بَرَکاتُہم العالیہ ہرہفتے کو رات عشاکی نماز کے بعد مدنی چینل پر براہِ راست ( Live ) مدنی مذاکرہ فرماتے یعنی دُنیا بھر سے عاشقانِ رسول کے پوچھے گئے سوالوں کے عِلْم و حکمت سے بھرپور جوابات ارشاد فرماتے ہیں۔ آپ بھی مدنی مذاکرے میں شرکت کیجئے اور ڈھیروں نیکیاں کمائیے ! آئیے ! ترغیب کے لئے مدنی مذاکرے کی ایک مدنی بہار سنتے ہیں :
تحصیل تَلہ گنگ ( ضلع چکوال ، صوبہ پنجاب ، پاکستان ) کے ایک اسلامی بھائی کا کہنا ہے : پہلے میں معاشرے (Society ) کا بہت بگڑا ہوا انسان تھا۔ سگریٹ ، چرس ، شراب جو ملتا اس کی طرف ہاتھ بڑھا دیتا ، ایک بار مجھ پر کرم ہوا اور میں نے رمضان المبارک کے روزے رکھنا شروع کر دیئے ، روزانہ رات کو مدنی چینل پر مدنی مذاکرہ دیکھنا بھی نصیب ہو گیا ، امیر ِاہلسنت دَامَت بَرَکاتُہم العالیہ کی حکمت بھری باتوں نے میرے دل پر ایسا اثر کیا کہ