جانا ہے... ! !

یہی تجھ کو دُھن ہے رہوں سب سے بالا   ہو زینت نرالی ہو فیشن نرالا

جیا کرتا ہے کیا یونہی مرنے والا            تجھے حُسنِ ظاہر نے دھوکے میں ڈالا

جگہ جی لگانے کی دنیا نہیں ہے             یہ عبرت کی جا ہے تماشا نہیں ہے

دُنیا سے اپنا حِصَّہ مت بھولو... ! !

پیارے اسلامی بھائیو ! موت کو یاد رکھنا ہی چاہئے ! اسی میں بھلائی ہے۔پارہ : 20 ، سورۂ قَصَص ، آیت : 77 میں ارشاد ہوتا ہے :

وَ لَا تَنْسَ نَصِیْبَكَ مِنَ الدُّنْیَا    ( پارہ : 20 ، سورۂ قَصَص : 77 )

ترجَمہ کنز الایمان : اور دنیا میں اپنا حصہ نہ بھول۔

 اس آیتِ کریمہ میں فرمایا گیا کہ دُنیا سے اپنا حِصَّہ مت بھولو... ! ! اس سے کیا مُراد ہے ؟ اس بارے میں ایک بزرگ رَحمۃُ اللہ عَلَیْہ فرماتے ہیں : اس سے مراد کفن ہے۔ ^{( [1] )}   

اللہ اَکْبَر ! اس دُنیا سے ہمارا حِصَّہ صِرْف کفن کی 2 چادریں ہیں ، ہم ساری زِندگی کماتے رہیں ، کارَیں بھی خرید لیں ، کوٹھیاں ، بنگلے بھی بنا لئے ، اربوں کھربوں روپے بھی جمع کر لئے ، ہزارہا میڈل بھی ہمارے پاس جمع ہیں ، دُنیا کی ہر طرح کی نعمت ہمارے پاس ہے مگر ہم اس دُنیا سے ساتھ کیا لے کر جائیں گے ؟ صِرْف کفن کی 2چادریں اور بَس... ! ! ایک عربی شاعِر کہتا ہے :

نَصِیْبُکَ مِمَّا تَجْمَعُ الدَّھْرَ کُلَّہٗ                                                                              رِدَااٰنِ تُلْویٰ فِیْہِمَا وَ حَنُوْط

ترجمہ : یعنی تم نے ساری زِندگی کمایا ، جمع کیا ، اس میں سے تمہارا حِصَّہ کیا ہے ؟ کفن کی 2