ہمیں نصیحت ( Advice ) کرتے ہوئے فرماتے ہیں :

آخرت کی کرو جلد تیاریاں                  موت آ کر رہے گی تمہیں بےگماں

موت کا دیکھو اِعْلان کرتا ہوا               سُوئے گورِ غریباں جنازہ چلا

کہتا ہے : جامِ ہستی کو جس نے پیا         وہ بھی میری طرح قبر میں جائے گا

تم اے بوڑھو سنو ! نوجوانو سنو !             اے ضَعیفو سنو ! پہلوانو سنو !

موت کو ہر گھڑی سر پہ جانو سُنو !            جلد  توبہ  کرو  میری  مانو  سنو !

بھائیو ! سب گناہوں سے مُنہ موڑ دو        ناتا تم نیکیوں ہی سے بس جوڑ دو

ایک دِن موت آ کر رہے گی ضرور         اس کو تم مجرمو ! کچھ سمجھنا نہ دُور ^{( [1] )}

صَلُّوا عَلَی الْحَبیب !                                                                   صَلَّی اللّٰہُ عَلٰی مُحَمَّد

کون موت کو زیادہ یاد رکھتا ہے... ؟

اے عاشقانِ رسول ! موت ایک اَٹل حقیقت ( Reality ) ہے ، موت آئے گی اور آ کر ہی رہے گی ، ہم سب یہ بات جانتے بھی ہیں ، مانتے بھی ہیں مگر افسوس ! ہم موت کو عموماً بھولے رہتے ہیں۔آہ ! ہم موت کو یاد رکھیں یا نہ رکھیں ، موت تو بہر حال ایک دِن آئے گی ، آ کر ہی رہے گی۔ آہ ! یہ طاقتور بدن ایک دِن اندھیری قبر میں اُتار دیا جائے گا ، پھر ہم ہوں گے اور ہمارے اَعْمَال ، تیسری کوئی چیز ساتھ نہیں جائے گی۔ لہٰذا عقل مند وہی ہے جو زِندگی ہی میں موت کو یاد رکھے اور اس کے لئے تیاری کرتا رہے۔ پارہ : 29 ، سورۂ ملک ، آیت : 2 میں اللہ پاک فرماتا ہے :

الَّذِیْ خَلَقَ الْمَوْتَ وَ الْحَیٰوةَ لِیَبْلُوَكُمْ اَیُّكُمْ اَحْسَنُ عَمَلًاؕ-   ( پارہ : 29 ، سورۂ ملک : 2 )

ترجَمہ کنز الایمان : وہ جس نے موت اور زندگی پیدا