Book Name:Mout Ki Yaad Kay Fawaid
کی کہ تمہاری جانچ ہو تم میں کس کا کام زیادہ اچھا ہے ۔
معلوم ہوا؛ زِندگی اور موت ہماری جانچ کے لئے ہے کہ کون زیادہ اچھے اَعْمَال کرتا ہے۔ اس آیت میں اچھے اَعْمَال سے کیا مراد ہے ، اس کے متعلق ایک قول یہ ہے کہ تمہاری جانچ ہو کہ تم میں سے موت کو کون یاد رکھتا ہے ؟ اور کون موت کے لئے خوب تیاری کرتا ہے ؟ ( [1] )
صحابئ رسول حضرت طارِق مُحارِبِی رَضِیَ اللہ عنہ فرماتے ہیں : اللہ پاک کے آخری نبی ، رسولِ ہاشمی صَلَّی اللہ علیہ وَآلہٖ و َسَلَّم نے مجھے نصیحت کرتے ہوئے فرمایا : یَا طَارِقُ اِسْتَعِدَّ لِلْمَوْتِ قَبْلَ الْمَوْتِ یعنی اے طارق ! مرنے سے پہلے موت کی تیاری کر لو... ! ! ( [2] )
شیخِ طریقت ، امیرِ اہلسنت دَامَت بَرَکاتہمُ الْعَالِیَہ ہمیں موت کی یاد دِلاتے ہوئے فرماتے ہیں : یقیناً جو موت اور اس کے بعد والے معاملات سے صحیح معنوں میں آ گاہ ہے * وہ دنیا کی رنگینیوں اور اس کی آسائشوں ( Luxuries ) کے دھوکے میں نہیں پڑ سکتا * کیا آپ نے کبھی کسی کو مرنے والے کی قبر میں رکھنے کے لئے فرنیچر تیار کرواتے * قبر میں ائیر کنڈیشن لگواتے * رقم رکھنے کے لئے تجوری بنواتے * کھیلوں میں جیتے ہوئے کپ اور دُنیوی کامیابیوں کی اَسْنَاد سجانے کے لئے الماری بنواتے دیکھا ہے ؟ نہیں دیکھا ہو گا اور یہ کام شرعاً دُرُست بھی نہیں ہیں ، تو جب سب کچھ یہیں چھوڑ کر جانا ہے تو یہ ڈگریاں ہمارے کس کام کی ؟ جس دولت کے لئے ساری زندگی محنت و مشقت ( Struggle ) کرتے ہیں ، وہ ہماری کیا مدد کرے گی ؟ جس منصب کی بِنا پر ہم شان و شوکت کا اِظْہار کرتے رہے ، وہ آخر ہمارے کیا