( 3 ) : عبادت میں سستى ^{( [1] )}  * حضرتِ  کَعْبُ الْاَحْبَار رَحمۃُ اللہ عَلَیْہ فرماتے ہیں : جو موت کو پہچان لیتا ہے اس پر دنیا کے غم و مصائب آسان ہو جاتے ہیں ^{( [2] )}  * اور حضرت امام حسن بصری رَحمۃُ اللہ عَلَیْہ فرماتے ہیں : جس نے موت کی یاد دل میں بسالی تو دنیا کی سار ی مصیبتیں ( Hardships ) اس پر آسان ہو جائیں گی ^{( [3] )} * ایک خاتون نے اُمُّ الْمؤمنین حضرت عائشہ صدیقہ  رَضِیَ اللہ عنہ ا  کی بارگاہ میں دل کی سختی کی شکایت ( Complaint ) کی تو آپ نے فرمایا : موت کو کثرت سے یاد کرو تمہارا دل نرم ہو جائے گا ^{( [4] )} * حضرت امام  حسن بصری رَحمۃُ اللہ عَلَیْہ فرماتے ہیں : نبی پاک صَلَّی اللہ علیہ وَآلہٖ و َسَلَّم نے صحابۂ کرام علیہمُ الرّضوان سے پوچھا کیا تم سب جنت میں داخِل ہونا چاہتے ہو ؟ انہوں نے عرض کیا : جی ہاں یا رَسُولَ اللہ صَلَّی اللہ علیہ وَآلہٖ و َسَلَّم ! تو فرمایا : اپنی امیدوں کو مختصر  کرو ، موت کو آنکھوں کے سامنے رکھو اور اللہ پاک سے حیا کا حق ادا کرو۔^{( [5] )}

دِلا غافل نہ ہو یکدم ، یہ دُنیا چھوڑ جانا ہے           بغیچے چھوڑ کر خالی زمیں اندر سمانا ہے

تو اپنی موت کو مت بھول ، کر سامان چلنے کا       زمیں کی خاک پر سونا ہے ، اینٹوں کا سرہانا ہے

جہاں کے شَغْل میں شاغل ، خدا کے ذکر سے غافل         کرے دعویٰ کہ یہ دنیا ، مِرا دائم ٹھکانا ہے

موت کا تَصَوُّر باندھنے کا طریقہ

اے عاشقانِ رسول ! موت کو یاد رکھنا ہی  چاہئے ، اس کے بڑے فضائل ہیں۔ موت کو یاد کرنے ، اسے یاد رکھنے کا طریقہ کیا ہے ؟ اس بارے میں شیخِ طریقت ، امیرِ  اہلسنت حضرت