عقل مند کون... ؟

پیارے آقا ، مکی مدنی مصطفےٰ صَلَّی اللہ علیہ وَآلہٖ و َسَلَّم نے فرمایا : اَلْکَیِّسُ مَنْ دَانَ نَفْسَہٗ وَ عَمِلَ لِمَا بَعْدَ الْمَوْتِ یعنی عقل مند وہ ہے جو اپنا جائِزہ لیتا رہے اور موت کے بعد والی زِندگی کے لئے عَمَل کرے۔ ^{( [1] )}

حضرت عبد اللہ بن عمر رضی اللہ عنہما  فرماتے ہیں : ایک مرتبہ بارگاہِ رسالت میں عرض کی گئی : کون سےمومن زیادہ عقل مند ہیں ؟ ارشاد فرمایا : موت کو کثرت سے یاد کرنے اور موت کے بعد کے لئے اچھی تیاری کرنے والے ، یہی لوگ زیادہ سمجھدار ہیں۔ ^{( [2] )}

کوئی پہلے جاتا ہے ، کوئی بعد میں

شُعَبُ الْاِیْمان میں ہے : اللہ پاک کے محبوب نبی ، مکی مدنی ، مُحَمَّدِ عربی صَلَّی اللہ عَلَیْہِ وَ آلِہٖ وَسَلَّم جب لوگوں کو موت سے غافِل دیکھتے تو   دروازے پر تشریف لا تے ، دروازے کو 3 مرتبہ ہلاتے ، پھرفرماتے : اےلوگو ! اے مسلمانو ! تمہارے پاس یقینی موت آئے گی وہ اپنے ساتھ وہ کچھ لائے گی جو اسے لانا ہو ، خبردار ! ہر کوشش کرنے والے کے لئے ایک انتہا ہے اور ہر کوشش کرنے والے کی انتہا  موت ہے ، پس کوئى پہلے  جاتا ہےاور کوئى بعد مىں۔ ^{( [3] )}

قابِلِ تعریف وہ جو موت کو یاد رکھے

حضرت اِبْنِ سابِطْ رَحمۃُ اللہ عَلَیْہ فرماتے ہیں : ایک مرتبہ بارگاہِ رسالت میں ایک شخص کا ذِکْر ہوا ، صحابۂ کرام علیہمُ الرّضوان   نے اس کی تعریف کی۔ اس پر پیارے نبی ، رسولِ ہاشمی صَلَّی اللہ علیہ وَآلہٖ و َسَلَّم