Book Name:Har Simt Chaya Noor Hay
چھٹ گئے، *جن کے نور سے بھٹکوں کو ہدایت ملی اور وہ بھٹکے ہوئے لوگ اس نور والے آقا صَلَّی اللّٰہُ عَلَیْہِ واٰلِہٖ وَسَلَّمَ سے نور کی خیرات پاکر چاند تارے بن کر خود نُور کی روشنیاں بانٹنے لگے۔وہ نوروالے آقا صَلَّی اللّٰہُ عَلَیْہِ واٰلِہٖ وَسَلَّمَ بارہ (12)رَبِیْعُ الْاَوَّل کے مہینے میں اس کائنات میں تشریف لائے۔
آئیے! آج کے بیان کا آغاز عاشقِ ماہِ میلاد و عاشقِ ماہِ رِسالت،امیرِ اہلسنّت، حضرت علامہ مولانا محمد الیاس عطارؔ قادِری دَامَتْ بَـرَکاتُہُمُ الْعَالِیَہ کے عطا کردہ نعروں سے کرتے ہیں۔ہوسکے تو مَدَنی پرچم لہرا لہراکرخوب جوش و جذبے،مَحَبَّت و عقیدت کے ساتھ مرحبا یا مُصْطَفٰے کی دُھوم مچائیے۔
سرکار کی آمد …مرحبا سردار کی آمد …مرحبا آمنہ کے پھول کی آمد …مرحبا
رسولِ مقبول کی آمد …مرحبا پیارے کی آمد …مرحبا اچھے کی آمد … مرحبا
سچے کی آمد …مرحبا سوہنے کی آمد …مرحبا موہنے کی آمد …مرحبا
مُختار کی آمد …مرحبا پُرنور کی آمد …مرحبا سراپا نور کی آمد …مرحبا
مرحبا یا مُصْطَفٰے مرحبا یا مُصْطَفٰے مرحبا یا مُصْطَفٰے مرحبا یا مُصْطَفٰے
مرحبا یا مصطفی مرحبا یا مصطفی مرحبا یا مصطفی مرحبا یا مصطفی
صَلُّو ْا عَلَی الْحَبِیْب! صَلَّی اللہُ عَلٰی مُحَمَّد
حضرت جابِر بن عبدُاللہ انصاری رَضِیَ اللہُ عَنْہُمَا فرماتے ہیں، میں نے عرض کی:”یارسولَ اللہ (صَلَّی اللّٰہُ عَلَیْہِ واٰلِہٖ وَسَلَّمَ)! میرے ماں باپ حُضور(صَلَّی اللّٰہُ عَلَیْہِ واٰلِہٖ وَسَلَّمَ)پر قربان!مجھے بتائیے کہ سب سے پہلےاللہ پاک نے کیا چیز بنائی؟“فرمایا:”اے جابِر(رَضِیَ اللہُ عَنْہُ)!بے شک یقیناً،اللہ پاک نے تمام مخلوقات سے پہلے تیرے نبی صَلَّی اللّٰہُ عَلَیْہِ واٰلِہٖ وَسَلَّمَ کا نور اپنے نورسے پیدا فرمایا۔“(فتاوی رضویہ،۳۰/۶۵۸ ، الجزءُ المفقُود مِن الجزء الاوّل مِنَ المُصَنَّف لِعبدالرّزّاق،ص ۶۳،حدیث:۱۸)