اس سبق آموز حکایت نے اس سوال کا کیسا پیارا جواب دے دیا کہ رمضان ماہِ صبر ہے تو صبر کر کے ہی گزارا جائے گا، رمضان المبارک ماہِ مؤاسات (یعنی ہمدردی اور بھلائی کا مہینا) ہے تو ہمدردی اور بھلائی کرتے ہوئے ہی گزارا جائے گا۔ اگر ہم غریبوں، بےکسوں یتیموں، مسکینوں کی خیرخواہی کے جذبے کے تحت سحر وافطار کی کچھ ڈِشیں کم کر دیں، سحر وافطار کا دسترخوان اتباعِ سُنَّت کی نیت سے سادہ کر لیں اور وہ غریب جو بےچارے مہنگائی کی وجہ سے کھجور بھی خریدنے کی استطاعت نہیں رکھتے، رمضان المبارک اچھے انداز میں نہیں گزار پاتے، ان کی ہم مدد کریں،ان کی خیر خواہی کریں تو کتنی نیکیاں اور وہ بھی ماہِ رمضان میں کمانے کی سعادت ہم حاصِل کر لیں گے۔ اللہ پاک سیِّدہ فاطمۃ الزہراء رَضِیَ اللہُ عَنْہَا کے صدقے ہمیں فقر اختیار کرنے، اللہ پاک کی طرف لَو لگانے، مسلمانوں کی خیر خواہی کرتے ہوئے، گُنَاہوں سے بچتے ہوئے پورا رمضان نیکیوں میں گزارنے کی توفیق عطا فرمائے۔ اٰمِیْن بِجَاہِ النَّبِیِّ الْاَمِیْن صَلَّی اللہُ عَلَیْہِ وَاٰلِہٖ وَسَلَّم۔

صَلُّوْا عَلَی الْحَبیب!                                                                                                                                                                  صَلَّی اللّٰہُ عَلٰی مُحَمَّد

پیارے اسلامی بھائیو! *سیدہ خاتونِ جنت رَضِیَ اللہُ عَنْہَا کے ایصالِ ثواب کے لئے خوب بڑھ چڑھ کر صدقہ وخیرات کیجئے، دعوتِ اسلامی مختلف شعبہ جات کے لئے بھی جتنا ہو سکے حِصّہ ملائیے اور ساتھ ہی ساتھ اپنے گھروں میں بھی فاتحہ شریف،ختم پاک اور حسبِ توفیق لنگر کا بھی لازمی اہتمام کیجئے۔ *سیدہ فاطمہ رَضِیَ اللہُ عَنْہَا کی سیرتِ پاک پڑھنے کے لئے مکتبۃ المدینہ سے جارِی ہونے والی کتاب ”شانِ خاتونِ جنّت“ پڑھئے،دوسروں کو بھی اس کی ترغیب دلائیے *اور الحمد للہ!رمضان المبارک میں شیخِ طریقت، امیر اہلسنت دَامَت بَرَکَاتُہُمُ الْعَالِیَہ