Madani Risalo Ki Dhoom Dhaam

مدنی رسائل کے مطالعہ کی دھوم

ماہنامہ فیضان مدینہ جولائی2022ء

شیخ ِ طریقت، امیرِ اہلِ سنّت حضرت علّامہ محمد الیاس عطّاؔر قادری دامت بَرَکَاتُہمُ العالیہ نے شعبانُ المعظم اور رمضانُ المبارک 1443ھ میں درج ذیل مَدَنی رسائل پڑھنے/سننے کی ترغیب دلائی اور  پڑھنے/سننے والوں کو دُعاؤں سے نوازا : (1)یاربَّ المصطفےٰ !  جو کوئی17 صفحات کا رِسالہ  ” تندرست رہنے کے فارمولے “  پڑھ یا سُن لے اُسے اپنی عبادت کے لئے اچھی صحت دے اور اُسے خوب نیکی کی دعوت عام کرنے کی توفیق عطا فرما کر بلاحساب مغفرت سے نواز دے۔ اٰمِیْن (2)یاربَّ المصطفےٰ !  جو کوئی17صفحات کا رِسالہ ” مُسکرانا سُنّت ہے “ پڑھ یا سُن لے اُسے اپنے پیارے پیارے مسکرانے والے سب سے آخری نبی  صلَّی اللہ علیہ واٰلہٖ وسلَّم کی قِیامت کے دن شَفاعت سے مُشَرّف فرما کر جنّتُ الفِردوس میں بے حساب داخِلہ نصیب فرما۔  اٰمِیْن (3)یاربَّ المصطفےٰ !  جو کوئی 21 صفحات کا رِسالہ ” سمجھانے کا طریقہ “ پڑھ یا سُن لے اُسے ہر کام شریعت و سنّت کے مطابِق کرنے کی سعادت عنایت فرماکر بے حساب بخش دے۔  اٰمِیْن (4)یاربَّ المصطفےٰ !   جو کوئی17صفحات کا رِسالہ  ” رَمَضان کی شان “  پڑھ یا سُن لے اُسے ماہِ رَمَضان کا قَدْر دان بنا اور ساری زندگی گناہوں سے بچ کر نیکیوں میں گزارنے کی توفیق عطا فرما۔ اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم