اپنے نیک بندوں کے لئے ایسے ایسے اِنْعَامات تیار کر رکھے ہیں جنہیں کسی آنکھ نے دیکھا نہ کسی کان نے سُنا اور نہ کسی انسان کے دِل میں اس کا خَیَال گزرا۔⁽¹⁾

جنت کا انوکھا پھل!

میٹھے میٹھے اسلامی بھائیو!جنّت کی ان نعمتوں سے لُطف اُٹھانے کا ایک طریقہ یہ بھی ہے کہ ہم دیگر فرائض وواجبات کے ساتھ ساتھ مالکِ کوثر و جنّت،محبوبِ ربُّ العزتصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی ذاتِ طیِّبہ پر دُرُودِ پاک پڑھنے کی بھی عادت بنائیں اَمِیرُالْمُؤمِنِین حضرتِ مولائے کائنات، علیُّ المُرتَضٰی شیرِ خداکَرَّمَ اللّٰہُ تَعَالٰی وَجْہَہُ الْکَرِیْمسے رِوایت ہے کہ  اللہ عَزَّ  وَجَلَّ  نے جَنَّت میں  ایک دَرخت پیدا فرمایا ہے جس کا پَھل سیب سے بڑا، اَنار سے چھوٹا،مَکھن سے نرم ، شہد سے بھی میٹھااورمُشک سے زِیادہ خُوشْبُودار ہے۔ اس دَرخت کی شاخیں تر موتیوں  کی، تنے سونے کے اور پَتے زَبَرجَد کے ہیں  ۔لَا یَاْکُلُ مِنْہَا اِلَّا مَنْ اَکْثَرَ مِنَ الصَّلَاۃِ عَلٰی مُحَمَّدٍاس دَرخت کا پَھل صِرف وہی کھا سکے گاجومحمدصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ پر کثرت سے دُرُودِپاک پڑھے گا۔ (الحاوی للفتاوٰی للسیوطی، ۲/۴۸) دُرُودِپاک ایسی پیاری عبادت ہےکہ بروزِمحشر سخت گرمی کے عالَم میں محبوبِ رَبِّ اکبر،شافعِ محشر صَلَّی اللّٰہُ تَعَالٰی عَلَیْہِ واٰلِہٖ وَسَلَّمَدُرُودِپاک  کی کثرت کرنے والےخُوش نصیبوں کوحوضِ کوثر پرپہچان لیں گے۔

فرمانِ مصطفےٰصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ہے:حوضِ کوثر پرکچھ لوگ آئیں  گے جنہیں   میں  کثرتِ دُرُود کے سبب پہچان لوں  گا۔‘‘(القول البدیع،الباب الثانی فی ثواب الصلاۃ …الخ،ص ۲۶۴)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1...دلائل النبوة للبيهقى، جماع ابواب المبعث، باب الدليل...بالافق الاعلٰى، ٢/٣٩٤ملتقطاً