Book Name:Meraj e Mustafa ki Hikmatain
بُراق کی قسمت ۔۔مرحبا بُراق کی سُرعَت۔۔مرحبا
اَقْصیٰ کی شوکت۔۔ مرحبا نبیوں کی اِمامت۔۔مرحبا
آقا کی رِفْعت۔۔ مرحبا آسماں کی سِیاحت۔۔مرحبا
مکینِ لامکاں کی عظمت ۔۔مرحبا چشمانِ نبوت ۔۔مرحبا
صَلُّو ْا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
معراجِ مصطفی کی ایک اور حکمت :
(5):معراجِ مصطفی کی حکمتیں جو علماء نے بیان فرمائیں، اُن میں سے ایک حکمت یہ بھی تھی کہ محبوبِ کریم، رؤفٌ رَّحیم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی عظمت تمام کائنات پرظاہر ہو،اِسی لیے جب مسجدِ اقصٰی پہنچے تو تمام انبیائے کرام عَلَیْہِمُ الصَّلٰوۃُ وَالسَّلاَم کی اِمامت فرمائی تاکہ تمام انبیاء عَلَیْہِمُ الصَّلٰوۃُ وَالسَّلاَم پرآپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی فضیلت کا اِظہار ہو(معارج النبوۃ ،رکن سوم،ص۸۵) چنانچہ۔حضرت سَیِّدُنا اَنس رَضِیَ اللہُ تَعَالٰی عَنْہُسے روایت ہے،نبیِ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ اِرشاد فرماتے ہیں:پھر میں بیتُ المقدس میں داخل ہوا،پس میرے لیے سارے انبیاء عَلَیْہِمُ الصَّلٰوۃُ وَالسَّلاَمکوجمع کیا گیا،تو سَیِّدُنا جبریلِ امین عَلَیْہِ السَّلام نے مجھے آگے کیا،یہاں تک کہ میں نے سب کی اِمامت کروائی۔ (سنن نسائی،ص۸۱،حدیث:۴۴۸)
نمازِ اَقصٰی میں تھا یہی سِرّ عیاں ہوں مَعنیِ اَوَّل آخر
کہ دَست بستہ ہیں پیچھے حاضر جو سلطنت آگے کر گئے تھے
(حدائقِ بخشش،ص 232)
شعرکی وضاحت:شبِ معراج مسجدِ اَقصیٰ میں جوحضورصَلَّی اللہُ تَعَالٰی عَلَیْہِ وَاٰلِہٖ وَسَلَّم نے تمام انبیائے کرام و رُسلِ عظام عَلَیْہِمُ الصَّلٰوۃُ وَالسَّلاَم کو نماز پڑھائی،اس میں یہی راز تھا کہ پہلے اور آخری کا فرق واضح ہو جائے(کہ آخر میں آنے کا مطلب یہ نہیں کہ آخری کی شان وعظمت بھی کم ہے)جو انبیائے کرام عَلَیْہِمُ الصَّلٰوۃُ