ہمارے علاقے کی مسجد میں ایک اسلامی بھائی دَرْسِ فَیْضَانِ سُنّت دیا کرتے تھے،ایک روز میں بھی دَرْس میں شریک ہوگیا، فِکْرِ آخِرت پر مُشْتَمِل باتیں سُن کر دل کی کَیْفِیَّت ہی بدل گئی۔یوں روزانہ دَرْسِ فَیْضَانِ سُنّت میں شرکت کرنا میرا معمول بن گیا اور اِس طرح دعوتِ اسلامی کے  مَدَنی ماحول سے وابستہ عاشقانِ رسول سے ملاقات بھی رہنے لگی،اسلامی بھائیوں کی اِنفرادی کوشش کے نتیجے میں ایک مرتبہ مجھے ہفتہ وار سُنّتوں بھرے اِجْتِماع میں شرکت کی سعادت نصیب ہوئی۔تلاوت و نعت اور سنّتوں بھرے بَیان نے  میرے دل و دماغ پر بَڑا اَثر کیا۔ اِجْتِماع کے آخِر میں جب لائٹیں بند کر کے اسلامی بھائیوں نے ایک آواز ہوکر ذِکْرُ اللہ شُروع کیا تو مجھے اپنے دل سے گناہوں کی سِیاہی دُور ہوتی مَحسوس ہونے لگی۔ذِکْر کے بعدمانگی جا نی والی رِقّت انگیز دُعا نے میرے دل کی دُنیا میں اِک مَحشر بَرپا کر دیا۔ خوفِ خُدا سے میرا رُواں رُواں کانپ اُٹّھا، میں نے رو رو کر اپنے رَبّ عَزَّ  وَجَلَّ کے حُضُور اپنے گناہوں سے تَوْبَہ کی اور آئندہ سُنّتوں بھری زِنْدَگی بَسَر کرنے کے لیے دعوتِ اسلامی کے مُشْکْبار  مَدَنی ماحول سے وابستہ ہوگیا۔(بُری سنگت کا وبال،ص۲۰)

اے بیمارِ عِصیاں تُو آجا یہاں پر          گُناہوں کی دیگا دوا مَدَنی ماحول

شِفائیں ملیں گی بَلائیں ٹلیں گی           یقیناً ہے برکت بھرا مدنی ماحول

گنہگارو آؤ سِیَہ کارو آؤ                   گناہوں کو دیگا چُھڑا مدنی ماحول

یہاں سُنّتیں سیکھنے کو ملیں گی           دِلائے گا خوفِ خدا مدنی ماحول

(وسائلِ بخشش مرمم،ص۶۴۸)

صَلُّوْا عَلَی الْحَبِیْبِ!                                            صَلَّی اللّٰہُ تَعَالٰی عَلٰی مُحَمَّد

وقت ضائع کرنے والےچند اُمور

میٹھے میٹھے اسلامی بھائیو! ہم میں سے ہر ایک کو چاہیے کہ اپنی زندگی کے قیمتی لمحات فُضُول