Book Name:Aankhon Ka Tara Naam e Muhammad
و سلام کے ہار لئے ،اشکبار آنکھوں سے صبحِ بہاراں کا استِقبال کیجئے۔ بعد نَمازِ فَجر سلام وعید مبارَک کہہ کر ایک دوسرے سے گرم جوشی کے ساتھ ملاقات فرمایئے اور سارا دن عید کی مبارَکباد پیش کرتے اور عید ملتے رہئے ۔
عیدِ میلادُ النّبی تو عید کی بھی عید ہے بالیقیں ہے عید ِعیداں عیدِ میلادُ النّبی
(وسائلِ بخشش ص۴۶۵)
میٹھے میٹھے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ہرپیر شریف کو روزہ رکھ کر اپنا یومِ ولادت مناتے رہے۔ آپ بھی یادِ مصطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ َ میں12 ربیعُ الاوّل شریف کو روزہ رکھ کر مَدَنی پر چم اُٹھائے جُلوسِ میلاد میں شریک ہوں۔جہاں تک ممکِن ہو باوُضو رہئے۔ لب پر نعتوں کے نغمے سجائے، دُرُود و سلام کے پھول برساتے،نگاہیں جھکائے پُر وقار طریقے پر چلئے۔اُچھل کود مچا کر کسی کو تنقید کا موقع مت دیجئے۔
ربیعُ الاوّل تجھ پر اَہلسنّت کیوں نہ ہوں قرباں کہ تیری بارھویں تاریخ وہ جانِ قمر آیا
(قبالۂ بخشش، ص۳۷)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اِسلامی بھائیو! ہم نے سُنا کہ
٭نامِ ”مُحَمَّد“ مُسلمان کی شان و عظمت کو چار چاند لگادیتاہے۔٭نامِ ”مُحَمَّد“ عِزَّت و اَفزائی کا ذریعہ ہے۔٭نامِ ”مُحَمَّد“خُدا عَزَّ وَجَلَّ کو بھی مَحبوب ہے۔٭نامِ ”مُحَمَّد“کی بَرَکت سے اِنسان کی کایا پلٹ جاتی ہے۔٭نامِ ”مُحَمَّد“ کی بَرَکتوں سے کائنات فیضیاب ہورہی ہے۔٭نامِ ”مُحَمَّد“ جنَّت میں داخِلے کا سبب ہے۔٭نامِ ”مُحَمَّد“نارِ جہنّم سے نَجات کا ذریعہ ہے۔٭نامِ”مُحَمَّد“کی بے اَدَبی سے بُزرْگانِ دِین رَحْمَۃُ اللّٰہ ِتَعَالٰی عَلَیْہِمْ اَجْمَعِیْن کو سَخت نفرت تھی۔٭نامِ ”مُحَمَّد“ کی بے اَدَبی کرنے والے کی اِصلاح کرنا بُزرْگوں کاطریقہ ہے۔سے ہرایک کو بچنا چاہئے۔