باوُجُود ہم خود کو جھوٹی تسلیاں دینے کی کوشش کرتے ہیں مثلاً ؛  فُلاں کا کولیسٹرول (Cholesterol) بڑھا ہوا تھا ، فلاں کو تَو شوگر(Sugar) تھی ، فُلاں بیمار رہتا تھا ،  مجھے تو ایسا کوئی مسئلہ نہیں ہے ، فُلاں گاڑی بہت تیز چلایا کرتا تھا ، اس لئے اس کا حادِثہ (Accident) ہو گیا ،  میں تو بڑی احتیاط سے گاڑی چلاتا ہوں ، وغیرہ وغیرہ۔

آہ! موت صِرْف بوڑھوں کے لئے نہیں ہے ،  موت جوانوں بلکہ بچوں کو بھی آتی ہے ، موت صِرْف بیماروں کے لئے نہیں ہے ، موت تندرُست کو بھی آتی ہے ، موت صِرْف کمزور کے لئے نہیں ہے ، موت پہلوانوں کو بھی آتی ہے ، موت صِرْف غریبوں کے لئے نہیں ہے ، موت امیروں کو بھی آتی ہے

موت آئی پہلواں بھی چل دئیے         خوبصورت نوجواں بھی چل دئیے

نَرْم بستر گھر پہ ہی رِہ جائیں گے          تجھ کو فرشِ خاک پر دفنائیں گے

گھپ اندھیری قبر میں جب جائے گا      بےعمل! بے انتہا گھبرائے گا

کام مال و زَرْ نہیں کچھ آئے گا            غافِل انساں! یاد رکھ! پچھتائے گا

کھلکھلا کر ہنس رہا ہے بےخبر!           قبر میں روئے گا چیخیں مار کر

کر لے توبہ رَبّ کی رحمت ہے بڑی      قبر میں ورنہ سزا ہو گی کڑی^([1])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

*اے عاشقان ِرسول !  ہر مسلمان جانتا ، مانتا اور دِل سے یقین رکھتا ہے کہ موت آجانے سے قِصّہ تمام نہیں ہو جائے گا بلکہ موت کے بعد بھی زِندگی ہے ، جب ہمیں قبر میں اُتار