ضیائی دَامَتْ بَـرَکاتُہُمُ الْعَالِیَہ نے اس پُر فِتن حالات میں بھی بد عقیدگی کے اس سیلاب کے آگے بند باندھنے کی انتھک کوششیں فرمائیں بالآخر آپ کی مخلصانہ کوششیں رنگ لائیں اور اَلْحَمْدُ لِلّٰہ۱۴۰۶ھ بمطابق 1986 ء میں عاشقانِ رسول کی دینی تحریک دعوتِ اسلامی کے اِشاعتی ادارے مکتبۃ المدینہ کا شاندار آغاز ہوگیا۔ دعوتِ اسلامی کے اس شعبے سے اوّلاً صرف بیانات کی آڈیو کیسٹیں جاری کی گئیں اور پھر اللہ پاک کے فضل و کرم اور رسولِ اکرم صَلَّی اللہُ عَلَیْہِ واٰلِہٖ وَسَلَّمَکی نظرِ عنایت سے ایسی ترقی نصیب ہوئی کہ آڈیو کیسٹوں سے اپنے کام کا آغازکرنے والے اِدارے مکتبۃ المدینہ کے تحت آج باب المدینہ کراچی (میں باقاعدہ پریس (Press)اور وی سی ڈیز(VCDs) آفس قائم ہیں ، جو اس شعبے سے متعلق ہر قسم کی جدید سہولیات و ضروریات سے آراستہ ہیں۔ اس مُخْتَصَرعرصے میں مکتبۃ المدینہ سے جہاں سُنّتوں بھرے بیانات اور مدنی مذاکروں کی لاکھوں لاکھ کیسٹیں اور وی سی ڈیز (VCDs) دُنیا بھر میں پہنچیں اور پہنچ رہی ہیں ، وہیں اعلیٰ حضرت رَحْمَۃُ اللّٰہِ عَلَیْہ ، امیرِ اَہلسُنَّت دَامَتْ بَـرَکاتُہُمُ الْعَالِیَہ اور دیگر عُلَمائے اَہلسُنَّتکَثَّرَہُمُ اللہُ کی کتابیں بھی شائع ہوکر کثیر تعداد میں عوام کے ہاتھوں میں پہنچ کر سُنّتوں کو زندہ کرنے کا سبب بن رہی ہیں۔

علوم و معارف کا نہ ختم ہونے والا خزانہ

 پیارے پیارے اسلامی بھائیو!یقیناًقرآنِ کریم  کی تلاوت کرنا ، اسےسننا  اور اس پر عمل کرنا باعثِ خیر وبرکت  اور نجاتِ آخرت کا سبب ہے مگربدقسمتی سے آج  مسلمانوں کے پاس  اس کی تلاوت کرنےاس کو سمجھنے اور اس پرعمل کرنےکیلئے وقت نہیں ، بعض لوگوں کو رمضانُ المبار ک میں یہ سعادت نصیب ہوجاتی ہے اوربعض  تو رمضان میں بھی  اس کی تلاوت بلکہ  اس کی زیارت سے بھی محروم رہتے ہیں۔ کیونکہ اب  رمضانُ المبارک میں “ ٹائم پاس “ کرنے کیلئے ہم اپنا قیمتی وقت ہوٹلوں ،