صَلُّوْا عَلَی الْحَبِیْب!                            صَلَّی اللہُ  عَلٰی مُحَمّد

سُبْحٰنَ اللہ!آپ نے سنا کہ قرآنِ کریم کس قدرخوبیوں سے مالا مال کتاب اور ایک مکمل (Complete) ضابِطۂ حیات ہے۔ یقیناًیہ کلامِ باری تعالیٰ کا ہی فیضان ہے کہ آج بھی اس کتاب سے رُشد و ہدایت کے ایسے چشمے پُھوٹ رہے ہیں کہ اپنے تو اپنے غیربھی اس کی سچائی کے قائل ہیں اور ہر ایک اپنے اپنے اعتبار سے اس میں غور  وفکر کرنے میں مصروف ہے۔ قرآن کتابِ ہدایت ہے اس کا واضح ثبوت یہ بھی ہے کہ  جب اس بے مثال کلام کی تجلیات معاشرے(Society)پرپڑیں تو اندھیرے اُجالوں میں بدل گئے ، ہر طرف ہدایت کا نُور پھیل گیا ، گناہوں میں مشغول لوگوں نے جب ہدایت سے معمورآیات سُنیں تو نورِ قرآن سے ان کے دل روشن ہوگئے ، اُن کے سِینوں میں خوفِ خدا بیدار ہوگیا اور وہ  نہ صرف خود اپنے گناہوں سے تائب ہو كرصلوٰۃ وسُنّت کی راہ پرگامزن ہوئے بلکہ مسلمانوں کے پیشوا اور بھٹکے ہوئےلوگوں کو بھی راہ دکھانے والے بن گئے۔ آئیے! اس ضمن میں دو (2 )ایمان افروز حکایات سنتے ہیں ، چنانچہ

  فُضَیْل بن عِیَاض رَحْمَۃُ اللّٰہ ِ عَلَیْہ کی توبہ

 مکتبۃ المدینہ کی  کتابعُیونُ الحکایات(حِصَّہ دُوُم)صفحہ نمبر17 پر ہے کہ تو بہ سے قبل حضرت فُضَیْل بن عِیَاض رَحْمَۃُ اللّٰہ ِ عَلَیْہ اتنے بڑے اور خطرناک ڈاکو (Dacoit)تھے کہ پورے پورے قافلے کو اکیلے ہی لُوٹ لیا کرتے۔ ایک مرتبہ ایک قافلہ آپ کے علاقے کے قریب سے گزرا ، انہیں وہیں رات ہوگئی۔ آپ ڈاکہ  ڈالنے کی نِیَّت سے جب قافلے کے قریب پہنچے تو بعض قافلے والوں کو یہ کہتے ہوئے سنا : تم اس بستی کی طر ف نہ جاؤ بلکہ کوئی اور راستہ اختیار کرلو یہاں فُضَیْل نامی ایک خطر ناک ڈاکو رہتا ہے۔ جب آپ نے قافلے والوں کی یہ آواز سنی تو کپکپی طاری ہو گئی اور بلندآواز سے کہا : اے لوگو!میں