سوچئے کہ جس کلامِ پاک کو سننے سے یہ برکتیں ملتی ہیں کہ بڑے بڑے مجرم راہِ راست پر آجاتے اور اللہ پاک کے فرمانبردار بن جاتے ہیں توجوخوش نصیب مسلمان اس  پاک کلام کی تلاوت کے ساتھ ساتھ اس کے احکام پر عمل کرتے ہوں گے تو انہیں اس کی کیسی برکتیں  نصیب ہوں گیں۔

 “ اسلامی بھائیوں اور اسلامی بہنوں کیلئے مدرسۃ المدینہ “

اَلْحَمْدُ لِلّٰہ قُرآنِ پاک سیکھنے سِکھانے کی ضَرورت و اَہَمیَّت کے پیشِ نَظر قرآنِ پاک کی تَعْلِیْمات کو عام کرنے کیلئے دعوتِ اسلامی کے تَحْت عُمُوماً بعد نمازِ عشاء مُختلف مَسَاجِد ، مارکیٹ ، بازار ، فیکٹری وغیرہ میں پڑھنے والوں کی سہولت کا خیال رکھتے ہوئے اسلامی بھائیوں کیلئے مدرسۃ المدینہ کی تَرکیب ہوتی ہے اور مُختلف مَقامات و اَوْقات میں ہَزارہا اسلامی بہنوں کے لئے مدرسۃُالمدینہ  کی بھی ترکیب ہوتی ہے ، اسلامی بھائی اسلامی بھائیوں سے اور اسلامی بہنیں اسلامی بہنوں سے  پڑھتی ہیں ، حُرُوف کی دُرُسْتْ اَدائیگی کے ساتھ قُرآنِ کریم سِیکھنے کے ساتھ ساتھ مُختلِف دُعائیں یادکرتے ، نمازکے مَسائل سیکھتے اورسُنَّتوں کی مُفْت تَعْلِیْم حاصل کرتے ہیں۔ ہمیں بھی اپنی دُنیا وآخرت کی بھلائی کے لئے  اسلامی بھائیوں اور اسلامی بہنوں کیلئے مدرسۃُالمدینہ میں ضَرور شِرکت کرنی چاہئے ، اگرہم دُرست طریقے سے قرآنِ کریم پڑھنا جانتے ہیں تورِضائے اِلٰہی اورثواب کے لیےدُوسرو ں کو پڑھاناشروع کردیں اوراگرپڑھانا نہیں جانتے توپڑھنا شروع کردیں۔

صَلُّوا عَلَی الْحَبیب!                                                        صَلَّی اللہُ عَلٰی مُحَمَّد

رسالہ “ تلاوت کی فضیلت “ کا تعارف

پیارے پیارے اسلامی بھائیو!تلاوتِ قرآن کا ذوق و شوق بڑھانے اور فیضانِ قرآن